دہلی کے جنوب مغربی علاقے مہرولی سے اجمیر تک پیدل سفر کرکے آنے والے ملنگوں کیلئے اجمیر درگاہ کمیٹی کی جانب سے ایک میڈیکل وین دہلی کی طرف روانہ کی گئی ہے۔
خواجہ اجمیری کے سالانہ عرس کے موقع پر 15 روز پیدل سفر کرنے والے ملنگوں کا جتھا مہرولی سے اجمیر کی سرزمین تک 25 فروری کو پہنچ جائے گا۔
اس دوران غریب نواز کے عقیدتمندوں کے ذریعہ ان ملنگوں کے لیے راستے میں جگہ جگہ لنگر کا بھی اہتمام کیا جاتا ہے۔
اجمیر درگاہ کمیٹی نے گذشتہ برس کی طرح اس برس بھی ملنگوں کی طبی سہولیات کے لیے ایک ایمبولینس اجمیر سے دہلی کے لیے روانہ کیا گیا ہے۔
اس میڈیکل وین کو قائڑ سے درگاہ کمیٹی کے صدر امین پٹھان نے ہری جھنڈی دکھا کر روانہ کیا۔ تاکہ ملنگوں کو سفر کے دوران زخمی ہونے یا طبیعت خراب ہونے کی صورت میں طبی سہولیات فراہم کرایا جا سکے۔