عرس کے انعقاد پرتذبذب

کورونا وائرس کی وجہ سے درگاہ عام زائرین کے لیے بند ہے۔ ایسے میں تمام عقیدت مندوں کے ذہن میں سوال اٹھ رہے ہیں کہ آخر محرم الحرام کی رسم اور بابا فرید کا عرس کیسے منایا جائے گا۔؟

سلطان الہند حضرت خواجہ غریب نواز رحمتہ اللہ علیہ کی درگاہ میں رواں برس محرم کی رسومات کو لے کر کشمکش ہے۔خواجہ صاحب کی بارگاہ میں حضرت بابا فرید الدین چشتی گنج شکر کا عرس منعقد ہونا ہے۔

کورونا وائرس کی وجہ سے درگاہ عام زائرین کے لیے بند ہے۔ ایسے میں تمام عقیدت مندوں کے ذہن میں سوال اٹھ رہے ہیں کہ آخر محرم کی رسم اور بابا فرید کا عرس کیسے منایا جائے گا۔اس سلسلے میں درگاہ کمیٹی خادموں کی انجمن اور ضلع انتظامیہ کے درمیان میٹنگ بھی کی جارہی ہیں لیکن ابھی تک کچھ نتائج سامنے نہیں آنے سے عقیدت مندوں میں مایوسی دیکھی جا رہی ہے۔

درگاہ میں روایتی طور پر محرم الحرام کے مہینے میں حضرت امام حسین کی شہادت کا ذکر کیا جاتا ہے، اور عبادت کر دعا مانگی جاتی ہے۔ اسی طرح سال میں ایک مرتبہ محرم کی پہلی تاریخ سے چار محرم تک بابا فرید کا چلّا بھی درگاہ شریف میں عام زائرین کے لیے کھولا جاتا ہے۔