احمد آباد قلعہ کی دیوار خستہ حالی کا شکار

احمدآباد کے بانی احمدشاہ نے اُس زمانے میں احمدآباد کی عوام کی حفاظت کے لیے سابرمتی ندی کے کنارے فورٹ وال(قلعہ کی دیوار) تعمیر کی تھی جو آج خستہ حالی کا شکار ہے۔

احمدآباد کے سابر متی ریورفرنٹ سے متصل رائے کھڑ دروازہ سے خان جان درگاہ تک موجود قلعہ کی دیوار مرمت ہونے کے باوجود اسےنقصان پہنچایا جارہا ہے۔

اس عالیشان قدیم قلعہ کی دیوار بازار میں تبدیل ہوگئی ہے جہاں لکڑی کا سامان، ٹیبل ، بیڈ، دروازہ، کباٹ، وغیرہ رکھا جارہا ہے۔دیوار میں سوارخ کرکے یہاں سامان لٹکایا جارہا ہے۔

اس معاملے کو لےکر سماجی کارکن زاہد شیخ نے کہا کہ2017سے اس دیوارکی تزئین و آرائش کاکام جارہی ہے، دوسری جانب دیوار تعمیر ہونے کے باوجود یہاں لکڑی اور لوہے کے ٹوٹے پھوٹے سامان رکھ کر دیوار کو نقصان پہنچایا جارہا ہے۔
انھوں نے کہا کہ اس سلسلہ میں ہیریٹج ڈپارٹمنٹ میں شکایت درج کی گئی اور آر ٹی آئی بھی کی ہے۔