اہلیہ کا قتل کرنے کے بعد شوہر نے بھی کی خود کشی

جھارکھنڈ کے سرائے کیلا۔ کھرسانواںضلع میں سرائے کیلا تھانہ علاقہ کے ویرام چندر پور گاﺅں میں شوہر نے بیوی کا تیز اسلحہ سے قتل کرنے کے بعد خو بھی خود کشی کرلی ہے ۔

پولیس ذرائع نے آج یہاں بتایاکہ ویرام چندر پور گاﺅں کے راجن تیو (55) نے کل دیر رات اہلیہ بدھنی تیو (50) اور اپنے تین بچوںپر تیز اسلحہ سے حملہ کر دیا ۔ اس حملے میں بدھنی کی موقع پر ہی موت ہوگئی جبکہ تین بچے شدید طور سے زخمی ہوگئے ۔ اس کے بعد راجن نے بھی خود کشی کرلی ہے۔

اہلیہ کا قتل کرنے کے بعد شوہر نے بھی کی خود کشی

ذرائع نے بتایا کہ مقامی لوگوں سے اطلاع ملتے ہی موقع پر پہنچی پولیس نے زخمی شیوا(03) ، سنیتا (05) اور انتیا (06) کو جمشید پور ایم جی ایم اسپتال میں داخل کرایا ہے ۔ وہیں لاشیں پوسٹ مارٹم کیلئے بھیج دی گئی ہے ۔ راجن کو ذہنی طور پر معذور بتایاجارہاہے ۔ پولیس معاملے کی تفتیش میں مصروف ہوگئی ہے۔