وزیر اعظم کی نکتہ چینی ملک مخالف؟

جموں کشمیر کے ضلع رامبن میں بی جے پی کی طلبا اکائی اے بی وی پی کے کارکنان نے رامبن کے چیف ایجوکیشن افیسراے ایچ فانی کے خلاف احتجاج کیا اور ان کا پتلا نذر آتش کیا۔

اے بی وی پی کے کارکنان کا کہنا ہے کہ سوشل میڈیا پر اے ایچ فانی کا ایک آڈیو وائرل ہو رہا ہے جس میں انہوں نے ملک کے وزیر اعظم نریندر مودی اور رکن پارلیمان جتیندر سنگھ کے خلاف نکتہ چینی کی ہے، جو کہ نہ صرف غیر اخلاقی ہے بلکہ ملک مخالف بھی ہے۔

کارکنان نے رامبن چوک پر جمع ہو کر اے ایچ فانی کا پتلا نذر آتش کرنے کے علاو سی ای او کے خلاف نعرے بازی بھی کی۔ کارکنان نے اپنے ہاتھوں میں پلے کارڈ اٹھا رکھا تھا اور نعرے بازی کر رہے تھے۔

مظاہرین نے سی ای او کے خلاف سخت کارروائی کرنے کا مطالبہ کیا ۔

ان کا کہنا تھا کہ اگر انتظامیہ کاروائی نہیں کرتی ہے تو وہ قومی شاہرہ پر احتجاج کرنے پر مجبور ہو نگے۔

اے ایچ فانی نے ملک کے وزیر اعظم نریندر مودی اور رکن پارلیمان جتیندر سنگھ کے خلاف نکتہ چینی کی ہے، جو کہ نہ صرف غیر اخلاقی ہے بلکہ ملک مخالف بھی ہے۔