عاپ کی حلف برداری تقریب میں مدعو اساتذہ کی مخالفت

دہلی اسمبلی انتخابات میں عام آدمی پارٹی کی زبردست جیت کے بعد اتوار کے روز رام لیلا میدان میں وزیر اعلی کی حلف برداری کی تقریب میں اساتذہ کو بھی مدعو کیا گیا ہے جس کی اب مخالفت بھی شروع ہوگئی ہے۔

دراصل ٹیچرس بورڈ کی جانب سے جمعہ کے روز ایک سرکیولیر جاری کیا گیا تھا جس میں کہا گیا ہے کہ وزیراعلی کی حلف برداری تقریب میں اساتذہ کی شرکت لازمی ہے۔

اس تعلق سے دہلی کی اساتذہ تنظیم ( جی ایس ٹی اے) کے سیکریٹری اجئے ویر یادو نے اس کی مخالفت کی ہے۔

اجئے ویر یادو کہنا ہے کہ 'عام آدمی پارٹی حلف برداری تقریب میں اساتذہ کی بھیڑ اکٹھا کرنا چاہتی ہے اور اس کے لیے ایک سرکیولر بھی جاری کیا گیا ہے جس میں اساتذہ کی آمد کو لازمی قرار دیا گیا ہے لیکن اگر انھیں دعوت نامہ دیا جاتا تو انھیں خوشی ہوتی'۔

اجئے ویر یادو کا یہ بھی کہنا ہے کہ اس سرکیولر کے ذریعے ایسا لگ رہا ہے کہ عام آدمی پارٹی کی حلف برداری تقریب میں رام لیلا میدان کو بھرنے کے لیے 30،000 اساتذہ کو بلا رہی ہے تاکہ وہاں موجود کرسیوں کو بھرا جاسکے نا کہ وہاں اساتذہ کی عزت افزائی کے لیے انھیں بلایا جارہا ہے۔

انھوں نے یہ بھی کہا کہ اساتذہ حلف برداری تقریب میں شامل ہوں گے یا نہیں اس تعلق سے جی ایس ٹی اے کی آئندہ ہونے والی میٹنگ میں فیصلہ لیا جائے گا۔