دہلی کے بین الاقوامی ہوائی اڈے پر متعدد لوگوں کوحراست میں لینے کی خبرسامنے آئی ہے، جن میں آٹھ علماء بھی شامل ہیں۔ یہ لوگ دہلی سے عمرہ کے سفر پر روانہ ہورہے تھے۔ان کے پاس فرضی ٹکٹ پائے گئے۔
مظفر نگر کے خالد زاہد نے دیررات ایک وائس پیغام بھیج کر پولیس کے ذریعہ حراست میں لینے کی اطلاع دی۔ انہوں نے بتایاکہ وہ لوگ عمرہ پرجارہے تھے اور ٹریول ایجنسی نے انہیں فرضی ٹکٹ دیدئے۔ یہ ٹکٹ دہلی سے وایہ کوچی جدہ تک کے لئے تھے۔
خالد زاہد نے بتایا کہ تمام لوگ مظفر نگر سے ہیں اور وہ لوگ عمرہ کے سفر پر روانہ ہونے کی غرض سے ایئرپورٹ پہنچے جہاں ہوائی جہاز کے عملے نے فرضی ٹکٹ دیکھ کرتمام لوگوں کو ایئرپورٹ پولیس کے حوالہ کردیا۔
خالد زاہد نے ایرپورٹ سے بتایا کہ پولیس کوتمام تفصیلات بتادی گئی ہے اور اس میں سفرکرنے والوں کی کوئی غلطی نہیں۔ ٹریول ایجنٹ نے ٹکٹ غلط دیدیا۔
ایرپورٹ پہنچنے کے بعدپتہ چلاکہ ان کے ساتھ دھوکہ دھڑی ہوئی ہے جس کے فوراً بعد مولانا خالد زاہد نے 100 نمبر پر کال کرکے پولیس کوبلایا، جس کے بعد انہیں مقامی تھانہ پرلے جایاگیا۔ فی الحال انکوائری چل رہی ہے۔