سوڈان میں دھماکہ، آٹھ بچوں کی موت

سوڈان کے ام درمان شہر میں ایک عجیب شئے کے دھماکے سے افراتفری مچ گئی۔

اس دھماکے میں آٹھ بچوں کی موت ہوگئی۔

رپورٹ میں سوڈانی پولیس کے ترجمان ہاشم عبدالرحیم نے کہا گذشتہ دنوں مشتبہ شئے کے ساتھ بچوں کے کھیلنے کے دوران اس میں دھماکہ ہوا۔

انہوں نے کہا کہ چار بچوں کی موقع پر ہی موت ہو گئی جبکہ دیگر چار کی ہسپتال میں داخل کرانے کے بعد موت ہوئی۔

انہوں نے کہا کہ پولیس اس دھماکے کی تحقیقات کر رہی ہے۔

یہ واقعہ شہر کے شمال میں ایک فوجی تربیتی علاقے کے نزدیک پیش آیا۔

عینی شاہدین اور متاثرین کے اہل خانہ کے مطابق یہ واقعہ اس وقت پیش آیا جب بچے تانبے کا استعمال کرنے کے لئے بم کو کھولنے کی کوشش کر رہے تھے۔