نامورفیشن ڈیزائنر انعم مرزا نے گزشتہ برس بزنس مین اکبررشید سے علیحدگی اختیار کی تھی اور اب وہ ایک بار پھر شادی کی تیاریوں میں مصروف ہیں۔
میڈیا رپورٹس کے مطابق انعم مرزا سابق کرکٹر اظہرالدین کے بیٹے اسد کے ساتھ شادی کے بندھن میں بندھیں گی۔
کچھ عرصے قبل ہی ان کی دوستی ہوئی تھی جو اب محبت میں تبدیل ہوگئی ہے اور اب دونوں رواں سال کے آخر میں رشتہ ازدواج میں منسلک ہوں گے۔
حال ہی میں انعم مرزا نے بازار کے نام سے اپنا ایک فیشن آؤٹ لیٹ متعارف کرایا ہے جس کی برانڈ امبسیڈر ثانیہ مرزا ہیں جبکہ ان کی تمام تر توجہ اپنی بہن ثانیہ مرزا کے فیشن آؤٹ لیٹ پر مرکوز رہتی ہے۔
واضح رہے کہ اسد اور انعم کی جانب سے شادی کی باقاعدہ تصدیق نہیں کی گئی لیکن اسد کی جانب سے سوشل میڈیا پر شیئر کی جانے والی تصاویر سے صاف ظاہر ہوتا ہے کہ وہ مرزا خاندان کے خاصے قریب ہیں۔