ریاست اتر پردیش کے بارہ بنکی میں تعینات 292 کروڑ روپیے کے مویشی پروری گھپلے کے ملزم سپاہی کو پولیس نے معطل کر دیا ہے۔ 16 جون کو لکھنؤ میں درج کی گئی ایف آئی آر میں اس سپاہی کو ملزم بنایا گیا تھا. ڈی جی پی دفتر کی ہدایت پولیس سپریٹینڈنٹ اروند چترویدی نے یہ کارروائی کی ہے۔
قابل غور ہے کہ لکھنؤ میں محکمہ مویشی پروری میں 292 کروڑ کا ٹینڈر دلانے کے نام پر گھپلہ بازی کی گئی ہے۔ اس معاملہ میں ایف آئی آر درج کرنے کے بعد تحقیقات شروع کر دی گئی ہے۔ ایف آئی آر میں بارہ بنکی میں تعینات سپاہی دل بہار یادو کو بھی ملزم بنایا گیا ہے۔
دل بہار یادو گزشتہ ایک برس سے ڈی جی پی دفتر کے حکم سے لکھنؤ اٹیچ کیا گیا تھا، دل بہار یادو کا نام سامنے آنے کے بعد ڈی جی پی دفتر سے اسے معطل کرنے کا حکم پولیس سپریٹینڈنٹ کو دیا تھا. ایس پی حکم پر عمل کرتے ہوئے گزشتہ رات اسے معطل کر دیا۔