اروناچل پردیش میں کورونا کے 1029 ایکٹو کیسز

اروناچل پردیش میں کورونا وائرس کے انفیکشن کی وجہ سے گذشتہ 24 گھنٹوں میں دومزید موت ہونے سے ہلاک ہونے والوں کی تعداد سات ہوگئی جبکہ ریاست میں اس وبا کے 1029 ایکٹو کیسز ہیں۔

ریاست کے ہیلتھ سروسز ڈائریکٹوریٹ کی طرف سے جاری ایک بلیٹن کے مطابق گذشتہ 24 گھنٹوں کے دوران 112 نئے کیسز سامنے آئے ہیں ، جس سے متاثرین کی تعداد بڑھ کر 3745 ہو گئی ہے ۔

بلیٹن کے مطابق 112 نئے کیسز ایٹا نگر کیپیٹل کمپلیکس سے 23 ، پاپومے پارے سے 18 ، سیانگ سے 17 ، مغربی کامینگ اور لوئر سیانگ سے 10-10 ، ایسٹ سیانگ سے آٹھ ، تاوانگ اور مشرقی کامنگ سے پانچ پانچ ، چانگ لونگ سے چار ، انجااور ویسٹ سیانگ سے تین تین ، ترپ ، لیپردا اور پاکسے کیسنگ سے دو دو کیسزسامنے آئے ہیں۔

نئے کیسز میں پانچ کو چھوڑ کر بقیہ سبھی کیسز میں کورونا کی علامات نہیں ہیں۔ بلیٹن کے مطابق گذشتہ 24 گھنٹوں کے دوران کورونا کے 88 مریض صحت یاب ہوئے ہیں ، جس سے صحت یاب ہوئے مریضوں کی مجموعی تعداد 2709 ہوگئی۔