امت شاہ نے اپنے دو روزہ بنگال کے دورے کے بعد میڈیا سے خطاب کرتے ہوئے کہا کہ فی الحال ریاست میں صدر راج قائم کرنے کی کوئی ضرورت نہیں ہے اور کسی بھی ریاست میں صدر راج کے نفاذ کا انحصار گورنر کی رپورٹ پر ہوتا ہے۔
انہوں نے کہا کہ بنگال کی عوام ممتا حکومت کو 2021 کے اسمبلی انتخابات میں اکھاڑ پھینکے گی۔
امت شاہ نے کہا کہ بی جے پی مغربی بنگال کی 294 اسمبلی نشستوں پر ہونے والے انتخابات میں دو تہائی اکثریت حاصل کرے گی، انہوں نے بی جے پی کے 200 سے زیادہ نشستیں جیتنے کا دعویٰ کیا۔
وزیر داخلہ نے اس پر اعتماد کا اظہار کیا کہ انتخابی کمیشن مغربی بنگال میں غیرجانبدار انتخابات کرائے گی، انہوں نے مغربی بنگال کی عوام سے 2021 کے اسمبلی انتخابات میں بی جے پی کو کامیاب بنانے کی اپیل کی ہے۔ اس کے علاوہ انہوں نے اس اعتماد کا اظہار کیا کہ وزیراعظم نریندر مودی کی قیادت میں ریاست اپنا کھویا ہوا وقار حاصل کر لے گی۔
