Rajya Sabha Election 2022: ایم آئی ایم نے مہاراشٹر میں مہاوکاس اگھاڑی کو حمایت کا اعلان کیا

ایم پی امتیاز جلیل نے کہا کہ مہا وکاس اگھاڑی کے بڑے رہنماوں کے ساتھ ممبئ میں بہت دیر تک میٹنگ ہوئی اور متعدد موضوعات پر بات چیت کی گئی۔ انہوں نے کہ ان کے دو اراکین اسمبلی کے ووٹ کی وجہ سے اگر مالیگاؤں، دھولیہ اور اورنگ آباد میں لاکھوں لوگوں کو ترقیاتی کاموں سے فائدہ پہنچتا ہے تو وہ ضرور مہا وکاس اگھاڑی کو ووٹ دیں گے۔

اورنگ آباد: مہاراشٹر کے اورنگ آباد کے رکن پارلیمان سید امتیاز جلیل نے ٹویٹر پر ٹویٹ کر کے جانکاری دیتے ہوئے کہا ہے کہ بی جے پی کو شکست دینے کے لیے مجلس اتحاد المسلمین نے مہاراشٹر میں راجیہ سبھا انتخابات میں مہاوکاس اگھاڑی کو حمایت کرنے کا فیصلہ کیا ہے۔ انہوں نے مزید کہا کہ ہمارے سیاسی اختلافات ہو سکتے ہیں لیکن ہم مہا وکاس اگھاڑی کی حمایت کریں گے۔

انہوں نے کہا کہ مہا وکاس اگھاڑی کے بڑے رہنماوں کے ساتھ ممبئ میں بہت دیر تک میٹنگ ہوئی اور متعدد موضوعات پر بات چیت کی گئی۔ انہوں نے کہ ان کے دو اراکین اسمبلی کے ووٹ کی وجہ سے اگر مالیگاؤں، دھولیہ اور اورنگ آباد میں لاکھوں لوگوں کو ترقیاتی کاموں سے فائدہ پہنچتا ہے تو وہ ضرور مہا وکاس اگھاڑی کو ووٹ کریں گے۔

مہا وکاس اگھاڑی کے رہنما اجیت پاور کے سامنے ایم پی جلیل نے یہ بھی بات رکھی کہ مہاراشٹر میں ہزاروں ایکڑ وقف بورڈ کی زمین ہیں، جس پر سرکاری دفاتر موجود ہیں اور وہ ایک روپیہ بھی وقف بورڈ کو کرایا نہیں دیتے۔