ہردوئی: اترپردیش کے ضلع ہردوئی کے شہر کوتوالی علاقے میں بدھ کی صبح ٹریفک پولیس کے سپاہی نے شہر کے مین چوراہے پر بنے ٹریفک پولیس بوتھ کے اندر پھانسی لگا کر خودکشی کرلی۔ مین چورہے پر ٹریفک پولیس بوتھ کے اندر جیسے ہی لوگوں کی نظر پڑی، پورے علاقے میں ہلچل مچ گئی۔ ٹریفک سپاہی کے بوتھ کے اندر پھانسی لگانے کے واقعہ کی جانکاری کے بعد فورا موقع پر پولیس افسر پہنچے اور بوتھ کے اندر پھندے پر لٹک رہی لاش کی رسی کاٹ کر نیچے اتارا۔
تلاشی کے دوران اس کے قبضے سے کچھ برآمد نہیں ہوا ہے۔ پولیس نے لاش کو پوسٹ مارٹم کے لئے بھجوا دیا ہے۔ واقعہ کی وجوہات کی جانچ کے لئے متوفی سپاہی کے ساتھ کام کرنے والے لوگوں سے بات چیت کی جارہی ہے وہی کنبے کے بھی لوگوں کو مطلع کردیا گیا ہے۔ سپاہی کے ذریعہ خودکشی کئےجانے کے واقعہ کے بعد پولیس افسران نے ان کے ساتھ ڈیوٹی کرنے والے لوگوں سے بھی جانکاری لی ہے لیکن خودکشی کی وجوہات کا پتہ نہیں چل سکا ہے۔