20 سے زیادہ ایم ایل اے جلد ہی بی جے پی میں شامل ہوں گے: رمیش جارکیہولی

کرناٹک کے وزیر آبپاشی رمیش جارکیہولی نے دعویٰ کیا کہ 20 سے زیادہ ایم ایل اے جلد ہی بی جے پی میں شامل ہونے جارہے ہیں۔ اس میں کانگریس کے بہت سے رہنما بھی شامل ہیں۔

میڈیا سے گفتگو کرتے ہوئے جارکیہولی نے کہا کہ 'سابق وزیر اعلی اور کانگریس کے رہنما سدارمیا ابھی بھی ہمارے قائد ہیں۔ اس بارے میں کوئی سوال نہیں ہے۔ میں روزانہ کم سے کم دو بار سدارمیا سے بات کرتا ہوں۔

کانگریس میں اور بھی بہت سے رہنما شامل ہونے کو تیار ہیں۔ انہوں نے کہا کہ کانگریس کے بہت سے فرنٹ لائن رہنما پارٹی سے خوش نہیں ہیں اور وہ جلد سے جلد پارٹی چھوڑنا چاہتے ہیں۔ وہ بی جے پی میں شمولیت کا موقع ڈھونڈ رہے ہیں۔ ان رہنماؤں نے کانگریس کے لئے بہت سال لگائے لیکن انہیں کچھ حاصل نہیں ہوا۔

جارکیہولی نے ایک بار پھر واضح طور پر کہا کہ وہ کانگریس میں واپس جانے کے بارے میں سوچ بھی نہیں رہے ہیں لیکن وہ ان ممبران اسمبلی کو لانے کے منتظر ہیں جو کانگریس چھوڑنے کے لئے تیار ہیں۔

انہوں نے مزید کہا 'کچھ لوگوں نے مجھے بتایا کہ بی جے پی میں شامل ہونے والے 17 ایم ایل اے دوبارہ کانگریس اور جے ڈی ایس میں جائیں گے جو سراسر غلط ہے۔ ہم کبھی پیچھے جانے کا نہیں سوچیں گے۔'