Published : May 10, 2024, 4:32 PM IST
ممبئی:وسطی شمالی ممبئی سے مجلس اتحاد المسلمین کے اُمیدوار رمضان چودھری کے ذریعہ پرچۂ نامزدگی داخل کیے جانے کے بعد مجلس کے کارکنان اور عہدے داران کے اندر وارث پٹھان اور رمضان چودھری کے خلاف ناراضگی پائی جارہی ہے۔ جس کے بعد ممبئی کے عہدیدار سالم قریشی نے پارٹی سے استعفیٰ دے دیا ہے۔ اُنہوں نے یہ استعفیٰ ممبئی کے مجلس کے صدر فیاض احمد خان کو بذریعہ ای میل کیا ہے۔
یہ بھی پڑھیں:
سالم قریشی نے کہا کہ میں نے جس پارٹی سے محبت کی۔ دن رات اُس کے لیے محنت کی۔ اس پارٹی نے دودھ میں مکھی کے جیسے ہمیں باہر نکال دیا۔ اس لیے ایسی جگہ جہاں عہدیداران کی کوئی اہمیت نہ ہو۔ اس پارٹی کو چھوڑ دینا ہی بہتر ہے۔ اس لیے میں نے وہی کام کیا کیونکہ میرے ضمیر نے یہ گوارا نہیں کیا۔ ہم اس اُمیدوار سے راضی نہیں ہیں۔ یہی بات عوام کو تب پتا چلے گی جب اس اُمیدوار کو شکست کا سامنا کرنا پڑے گا۔
آپ کو بتا دیں کہ شمالی وسطی ممبئی سے بی جے پی سے اجول نکم انڈیا اتحاد سے ورشا گایکواڈ کو ٹکٹ دیا گیا جب کہ یہ لڑائی ان دو اُمیدواروں کے ہی بیچ تھی معاملے میں نیا ٹویسٹ تب آیا جب آخری آخری میں مجلس نے رمضان چودھری کو نامزد کیا جسکے بعد پارٹی میں اندرونی جنگ چھڑ گئی۔
