اجمیر میں گرمی کا قہر،حضرت خواجہ معین الدین چشتی کی درگاہ میں واٹرشاور مشین کا استمال - Heat wave In Ajmer

Heat wave In Ajmer اجمیر میں گرمی کا قہرجاری ہے۔حضرت خواجہ معین الدین چشتی کی درگاہ پر زیارت کے لئے آنے والے زائرین کو گرمی سے راحت دلانے کے مقصد سے واٹرشاورمشین کا استمال کیا جا رہا ہے۔ درگاہ کے احاطے اور اس کے اطراف میں پانی کاچھڑکاو کیا جارہا ہے۔

اجمیر:ملک کی دوسری ریاستوں کی طرح راجستھان میں بھی گرمی کا قہر جاری ہے۔ اجمیر میں درجہ حرارت 44 ڈگری تک پہنچ چکا ہے۔ گرمی سے لوگوں کا برا حال ہے۔ حضرت خواجہ معین الدین چشتی کی درگاہ کی انتظامیہ کمیٹی کی جانب سے زائرین کو گرمی سے کچھ حد تک راحت دلانے کے مقصد سے واٹر کینن کا استعمال کیا جارہا ہے۔درگاہ کے احاطے اور اس کے اطراف میں پانی کاچھڑکاو کیا جارہا ہے۔

درگاہ کمیٹی کے اسسٹنٹ ناظم الحاج محمد عادل نے ای ٹی وی بھارت سے بات چیت کرتے ہوئے کہاکہ سنیچر سے نوتپا کا اغاز ہو چکا ہے۔ ایسے میں اجمیر شریف پہنچنے والے زائرین کے لیے اب مسٹ شاور مشین کا استعمال کرنے کا فیصلہ کیا گیا ہے۔ زائرین پر پانی کا چھڑکاؤ کرکے انہیں راحت پہنچانے کی کوشش کی جا رہی ہے۔

انہوں نے کہاکہ درگاہ اور اس کے اطراف میں لگے شامیانوں کو بھی اس مسٹ شاور مشین سے گیلا کیا جارہا ہے تاکہ اس کے نیچے آرام کرنے والے زائرین کو تھوڑی راحت پہنچ سکے۔اس کے علاوہ درگاہ کے خدام خواجہ نے بھی اپنی اپنی جانب سے زائرین کو گرمی سے راحت پہنچانے کے لیے پنکھے، کولر اور ٹھنڈے پانی کا انتظام کیا ہے۔

اجمیر میں موسم کا مزاج سخت گرم تندور کی طرح نظر اتا ہے, یہی وجہ ہے کہ خواجہ غریب نواز کی درگاہ میں زائرین کو گرمی سے مختلف انداز میں راحت دی جا رہی ہے,