جمہوریت جیت گئی؛ جھانسی میں 24 انچ کے ووٹر نے ڈالا ووٹ، ماں نے کہی اہم بات - Lok Sabha election 2024

پیر کو جھانسی کے ایک پولنگ بوتھ پر ایک 24 انچ لمبے ووٹر کو اپنی ماں کی گود میں آتے دیکھ کر ہر کوئی حیران رہ گیا۔ ماں نے بتایا کہ اس کے بیٹے کی عمر 25 سال ہے تو ہر کوئی اس کے دیکھ کر حیران تھا۔

جھانسی: لوک سبھا انتخابات 2024 کے پانچویں مرحلے کے لیے یوپی میں پیر کو 14 سیٹوں کے لیے ووٹنگ ہوئی۔ شدید گرمی کے باوجود جھانسی میں صبح سے ہی ووٹروں کا جوش و خروش دیکھا گیا۔ ووٹنگ کے دوران بوتھوں پر لمبی قطاریں دیکھی گئیں۔

اس دوران جھانسی کے وپن بہاری انٹر کالج کے پولنگ بوتھ پر انوکھے ووٹر کو دیکھ کر ہر کوئی اس کے ساتھ سیلفی لینے کے لیے بے تاب ہوگیا۔ دراصل، صرف 24 انچ لمبے ووٹر روی کشواہا یہاں ووٹ ڈالنے آئے تھے۔

جھانسی کے خوشی پورہ کے رہنے والے روی کشواہا کی عمر 25 سال ہے لیکن اس کا قد صرف 24 انچ ہے۔ روی کے والد کا نام بھولے کشواہا اور ماں کا نام مینا کشواہا ہے۔ بھولے کشواہا ایک بڑھئی ہیں۔ مینا کشواہا جب 25 سالہ روی کو گود میں اٹھائے پولنگ بوتھ پر پہنچیں تو ان کو دیکھ کر حیرت میں پڑ گئے۔ مینا کشواہا نے ای ٹی وی بھارت کو بتایا کہ ان کے دو بیٹے ہیں۔ بڑا بیٹا روی جس کا قد 24 انچ اور عمر 25 سال ہے۔ چھوٹا بیٹا امیت ہے۔

مینا کے مطابق روی نے گزشتہ میئر کے انتخاب میں پہلی بار ووٹ ڈالا تھا۔ روی گزشتہ اسمبلی انتخابات میں دوسری بار اور اب اس لوک سبھا انتخاب میں تیسری بار ووٹ ڈالنے آئے۔

مینا کہتی ہیں کہ جب روی پیدا ہوا تھا اس وقت تو کچھ اندازہ نہیں ہوا۔ مگر جب دو سال بعد انہیں اندازہ ہوا کہ روی کا قد نہیں بڑھ رہا ہے تو ان کا علاج کیا گیا لیکن کوئی فائدہ نہ ہونے کی وجہ سے اس نے علاج روک دیا گیا۔ روی اسکول نہیں جاتا لیکن کچھ عرصے کے لیے اپنے چھوٹے بھائی امیت کے ساتھ ٹیوشن کے لیے گیا تھا۔ مینا کہتی ہیں کہ روی کے چھوٹے ہونے میں کوئی حرج نہیں ہے۔ باپ اور بھائی سب اس کو بہت پیار سےرکھتے ہیں۔ اس وقت پولنگ کے مقام پر ہر کوئی، چاہے وہ سیکورٹی اہلکار ہوں، ووٹر ہوں یا امیدواروں کی مہم میں مصروف کارکن، اس مختصر ترین ووٹر کے ساتھ سیلفیاں لیتے نظر آئے۔