جنوبی کنڑ: کرناٹک کے جنوبی کنڑ (دکشنا کنڑ) ضلع میں ایک سرکاری کالج کی تین طالبات پر تیزاب پھینکے جانے کی خبر ہے۔ تیزاب پھینکنے سے طالبات شدید جھلس گئی ہیں۔ وہ کڑپہ کے سرکاری اسپتال میں زیر علاج ہیں۔ پیر کی صبح کڑپہ کے سرکاری کالج کے قریب ایک شرپسند نے کالج کی تین طالبات پر تیزاب سے حملہ کیا۔ اس معاملہ میں کیرالہ کے ایک نوجوان کو گرفتار کیا گیا ہے۔ ملزم کی شناخت ابین کے نام سے ہوئی ہے جس کی عمر 23 سال ہے۔ وہ کیرالہ سے ایم بی اے کی تعلیم حاصل کر رہا ہے۔ لڑکی اور ملزم کا تعلق ایک ہی برادری سے ہے۔
یہ بھی پڑھیں:
مہاراج گنج میں لڑکی پر تیزاب سے حملہ، 25 دن بعد شادی ہونے والی تھی
متاثرہ لڑکیاں پی یو سی سیکنڈ میں زیر تعلیم ہیں۔ ملزم کالج کے طالب علم کی طرح ماسک اور کیپ پہن کر آیا تھا۔ یہ واقعہ اس وقت پیش آیا جب طلباء کالج کیمپس میں امتحانات کی تیاری کر رہے تھے۔ اس واقعہ میں ایک طالبہ شدید زخمی بتائی جارہی ہے، جب کہ اس کے ساتھ بیٹھے دو دیگر افراد معمولی جھلس گئے۔
ایس پی رشیانت سی بی نے اس کی جانکاری دی۔ انہوں نے کہا کہ 'ایک واقعہ پیش آیا ہے جہاں گورنمنٹ پری گریجویٹ کالج کڑبہ کے کالج کے احاطے میں ایک نوجوان نے ایک طالبہ پر تیزاب پھینک دیا۔ واقعہ کے دوران طالبہ کے ساتھ موجود دو دیگر طالبات پر بھی تیزاب سے حملہ کیا گیا اور انہیں معمولی چوٹیں آئیں۔ ملزم ابین کو پہلے ہی گرفتار کر لیا گیا ہے اور اس سے پوچھ گچھ جاری ہے۔ ملزم اور تیزاب پھینکنے والے طالب علم کا تعلق ایک ہی برادری سے ہے۔ ابتدائی تفتیش میں معلوم ہوا ہے کہ ملزم نے یہ جرم محبت میں ناکامی پر کیا۔ مقدمہ درج کرکے تفتیش کی جائے گی۔
