سوریہ کمار آئندہ میچ کے لیے ممبئی انڈینز ٹیم کے ساتھ جڑیں گے - IPL 2024

Suryakumar Yadav To Link Up With MI: ٹی 20 ٹیم کے زبردست بلے باز سوریہ کمار یادو اتوار کو وانکھیڈے میں دہلی کیپٹلس کے خلاف میچ کے لیے ممبئی انڈینس ٹیم کے ساتھ جڑیں گے۔ تاہم ان کی فٹنس کی تصدیق نہیں ہو سکی ہے۔

ممبئی: رواں انڈین پریمئیر لیگ 2024 میں ممبئی انڈنیز اب تک شکست خوردہ ٹیم ثابت ہوئی ہے۔ روہت شرما کے ہاتھوں سے قیادت جانے کے بعد ایسا لگتا ہے کی جیت ممبئی انڈنیز سے منہ موڑ لی ہے۔ٹیم کے نئے کپتان ہاردک پانڈیا بھی ٹیم کو جیت کی راہ پر لانے پر پوری طرح سے ناکام ثابت ہوئے ہیں۔

موصولہ رپورٹ کے مطابق اسٹار بلے باز سوریہ کمار یادو جمعہ کو ممبئی انڈینز ٹیم کو جوائن کریں گے۔وہ ٹیم کا حصہ ہو سکتے ہیں۔ فٹنس کلیئرنس نہ ہونے کی وجہ سے انہوں نے ابھی تک انڈین پریمیئر لیگ (آئی پی ایل) 2024 میں کوئی میچ نہیں کھیلا ہے۔ وہ اس سال کے شروع میں ٹخنے کی سرجری سے صحت یاب ہونے کے لیے بنگلورو کی نیشنل کرکٹ اکیڈمی میں تھے۔

انہیں اسپورٹس ہرنیا کی سرجری بھی کرانی پڑی تھی جس کی وجہ سے وہ ہوم گراؤنڈ پر افغانستان کے خلاف تین میچوں کی ٹی ٹوئنٹی سیریز سے باہر ہو گئے تھے۔قابل ذکر ہے کہ سوریہ کمار نے گزشتہ سال دسمبر میں جنوبی افریقہ کے جوہانسبرگ میں کھیلے گئے تیسرے ٹی 20 میں 56 گیندوں میں 100 رنز بنائے تھے۔ اس میچ میں وہ ٹخنے کی انجری کا شکار ہوئے تھے۔

یواین آئی