پیرس : بھارت کے اسٹار ریسلر امان سہراوت نے پیرس اولمپکس میں ریسلنگ میں بھارت کی تمغے کی امیدوں کو پھر سے جگا دیا ہے۔ امن نے مردوں کی فری اسٹائل 57 کلوگرام ریسلنگ کے کوارٹر فائنل میں جگہ بنا لی ہے۔ انھوح نے مردوں کے 57 کلوگرام راؤنڈ آف 16 کے میچ میں یورپی چیمپئن شپ کے گولڈ میڈلسٹ شمالی مقدونیہ کے ولادیمیر ایگوروف کو 10-0 سے شکست دی۔
وہیں دوسری جانب خواتین کی فری اسٹائل 57 کلوگرام ریسلنگ کے پری کوارٹر فائنل میں بھارتی ریسلر انشو ملک کو شکست کا سامنا کرنا پڑا ہے۔ جس کی وجہ سے وہ ایونٹ سے باہر ہوگئی ہیں۔جمعرات کو انشو کو خواتین کی 57 کلوگرام ریسلنگ کے پری کوارٹر فائنل میں موجودہ اولمپک چمپیئن امریکی پہلوان کے خلاف7-2 سے شکست کا سامنا کرنا پڑا۔