کولکاتا: آئی پی ایل میں کولکاتا کو چیمپئن بنانے والے گوتم گمبھیر ٹائٹل جیتنے کے بعد کافی جذباتی نظر آئے۔ اس دوران بالی ووڈ کنگ شاہ رخ خان نے خوشی سے گمبھیر کا ماتھا چوما۔ کولکتہ نائٹ رائیڈرز نے گزشتہ روز اتوار کی رات آئی پی ایل 2024 کے ٹائٹل میچ میں سن رائزرز حیدرآباد کو یکطرفہ انداز میں شکست دے کر تیسری بار آئی پی ایل ٹرافی جیتی۔ اس جیت میں سابق ہندوستانی اوپنر گوتم گمبھیر کی رہنمائی نے اہم کردار ادا کیا۔
مانا جا رہا ہے کہ گمبھیر اس دوڑ میں سب سے آگے ہیں۔ تاہم سوال یہ پیدا ہوتا ہے کہ کیا اس سیزن میں بطور مینٹور کولکاتا واپس آنے والے گمبھیر ہندوستانی ٹیم کے ہیڈ کوچ بننے کے لیے فرنچائز چھوڑ دیں گے؟ کولکاتا کو تین بار آئی پی ایل ٹرافی تک پہنچانے اور لکھنؤ کو دو بار پلے آف میں لے جانے کے ٹریک ریکارڈ کے ساتھ گمبھیر کی قائدانہ صلاحیتوں نے کرکٹ کی دنیا کی توجہ مبذول کرائی ہے۔
گمبھیر نے کولکاتا کو 2012 اور 2014 میں دو آئی پی ایل ٹائٹل جتوائے۔انہوں نے بڑے مواقع پر ٹیم کو فتح سے ہمکنار کرنے کی اپنی صلاحیت کا مظاہرہ کیا ہے۔ پہلے ان کی قیادت میں اور اب ان کی رہنمائی میں کولکتہ تیسری آئی پی ایل ٹرافی جیتنے میں کامیاب رہا۔ گمبھیر کا کولکاتا کے ساتھ رشتہ کافی جذباتی ہے۔ وہ ایک ایسا شخص ہے جس پر کولکتہ کے مداح بھروسہ کرتے ہیں اور انہوں نے ان سے فرنچائز نہ چھوڑنے کی بھی تاکید کی ہے۔