بھارت کے اس شہر میں افغانستان اور نیوزی لینڈ کے ٹیسٹ کا پہلا دن منسوخ - AFG vs NZ Test

نوئیڈا میں افغانستان اور نیوزی لینڈ کے درمیان واحد ٹیسٹ میچ کا آغاز 9 ستمبر سے ہونا تھا لیکن گریٹر نوئیڈا اسپورٹس کمپلیکس کا گراؤنڈ گیلا ہونے کی وجہ سے پہلے دن کا میچ شروع نہیں ہو سکا۔

نئی دہلی: گریٹر نوئیڈا اسپورٹس کمپلیکس گراؤنڈ میں پیر کو افغانستان اور نیوزی لینڈ کے درمیان واحد ٹیسٹ میچ کے پہلے دن کا کھیل گیلے آؤٹ فیلڈ کی وجہ سے ایک بھی گیند پھینکے بغیر ختم کر دیا گیا۔

سورج نکلنے کے باوجود رات بھر ہونے والی بارش کے باعث گراونڈ کی نمی ختم نہ ہوسکی۔ جس کی وجہ سے پہلا دن کھیل کے لیے تیار نہ ہوسکا اور امپائر کو میچ کا پہلا دن ؓیغیر کسی گیند کے ہی منسوخ کرنا پڑا۔

اب اس میچ کے لیے ٹاس منگل کی صبح 9 بجے شیڈول کیا گیا ہے اور باقی چار دنوں میں 98 اوورز ہوں گے اور میچ صبح 10 کی بجائے 9:30 بجے شروع ہوگا۔ جبکہ محکمہ موسمیات کی جانب سے اس ہفتے بارش اور درمیانے درجے کے طوفان کی پیشن گوئی بھی کی گئی ہے۔

قبل ذکر ہے کہ افغانستان اور نیوزی لینڈ کے درمیان کھیلا جانے والا یہ واحد ٹیسٹ ورلڈ ٹیسٹ چیمپئن شپ کا حصہ نہیں ہے، لیکن کیوی ٹیم کو سری لنکا کے خلاف دو میچوں کی ٹیسٹ سیریز سے قبل برصغیر کے حالات سے ہم آہنگ ہونے کا بہترین موقع ملے گا۔

دوسری طرف افغانستان نے اس سال کے شروع میں سری لنکا اور آئرلینڈ کے خلاف صرف دو ٹیسٹ کھیلے تھے اور 2021 کے بعد یہ ملک اپنا پہلا ریڈ بال میچ جیتنے کے لیے کوشاں ہے۔