سوپور (جموں کشمیر) :جموں و کشمیر کے نائب وزیر اعلیٰ سریندر چودھری کا کہنا ہے کہ ’’ہم جموں کشمیر کے ’مرکز کے زیر انتظام علاقہ‘ (یونین ٹیریٹری) کا درجہ قبول نہیں کرتے۔ ہمارے لیے جموں کشمیر ایک ریاست ہے۔‘‘ چودھری نے ان باتوں کا اظہار شمالی کشمیر کے بارہمولہ ضلع میں ایشیا کی دوسری بڑی فروٹ منڈی، سوپور میں ایک اجتماع سے خطاب کرتے ہوئے کیا۔
نائب وزیر اعلیٰ سریندر چودھری سوپور میں عوام سے مخاطب (ای ٹی وی بھارت)
فروٹ منڈی سوپور میں عوامی اجتماع سے خطاب کرتے ہوئے نائب وزیر اعلیٰ نے کہا کہ وہ ’’اِن دنوں، اُن لوگوں (بی جے پی) سے لڑ رہے ہیں جنہوں نے کئی برسوں سے لوگوں کو تکلیف پہنچائی ہے۔‘‘ انہوں نے سابق ریاست کو دو یونین ٹیریٹریز میں تقسیم کرنے اور یہاں کے خصوصی حقوق چھیننے پر بھارتیہ جنتا پارٹی (بی جے پی) کی سخت تنقید کرتے ہوئے کہا: ’’ہم کشمیر کو ایک ریاست ہی مانتے ہیں، کبھی یوٹی کا درجہ قبول نہیں کرتے۔‘‘