تقریب میں کھانا کھانے کے بعد دو بچوں کی موت، کئی بچے ہسپتال میں داخل - Two childrens died

جموں کے ضلع ادھم پور کے ستیلتاعلاقے میں س شادی کی تقریب میں کھانا کھانے کے بعد بچوں کی طبیعت خراب ہونے لگی اسپال میں داخل کروایا گیا۔ جس میں سے دو کی موت واقع ہوگئی۔

ادھم پور:بدھ کے روز ستیلتا علاقے میں شادی کی تقریب میں کھانے کا اہتمام کیا گیا تھا، جہاں بچوں نے رات کا کھانا کھایا۔ جمعرات کو کئی بچوں نے الٹی اسہال اور دیگر مسائل کی شکایت کی جس سے یہ ظاہر ہوتا ہے کہ وہ فوڈ پوائزننگ کا شکار ہو گئے ہیں۔
حکام کے مطابق ان بچوں کو جمعرات اور جمعہ کی درمیانی شب ہسپتال میں داخل کرایا گیا تھا۔ دو بچے اسپتال میں داخل ہونے کے بعد دم توڑ گئے، جب کہ دیگر کا علاج جاری ہے۔
جی ایم سی ادھم پور کے پیڈیاٹرک وارڈ میں چھ بچے زیر علاج ہیں۔ اس کے علاوہ تین بچوں کا ایمرجنسی وارڈ میں علاج کیا جا رہا ہے،جبکہ دیگر بچوں کو گورنمنٹ میڈیکل کالج جموں ریفر کر دیا گیا ہے۔
جی ایم سی اسپتال ادھم پور کے میڈیکل سپرنٹنڈنٹ ڈاکٹر سنجے نے کہا کہ ڈاکٹر متاثرہ بچوں کی حالت پر گہری نظر رکھے ہوئے ہیں اور انہیں ہر ممکن مدد فراہم کی جارہی ہے۔

اس واقعہ کے بعد گاؤں میں سوگ کا ماحول ہے اور متعلقہ حکام نے معاملے کی تحقیقات شروع کر دی ہیں تاکہ فوڈ پوائزننگ کی وجوہات کا پتہ لگایا جا سکے اور مستقبل میں ایسے واقعات سے بچا جا سکے۔کھانے کی اشیا کو استعمال کرنے کیلئے ہدایت بھی دی گئی۔