Published : Sep 16, 2024, 5:44 PM IST
پلوامہ : پیپلز ڈیموکریٹک پارٹی کے امیدوار اسمبلی حلقہ پلوامہ وحید الرحمان پرہ ووٹروں کو لبھانے کے لیے مختلف حربے استعمال کر کے اپنی انتخابی مہم چلا رہے ہیں۔ وہیں پہلی بار انتحابی مہم میں گھوڑوں کا استعمال کیا گیا۔ پرہ نے اسمبلی حلقہ پلوامہ کے آرہہال علاقے میں روایتی انداز میں انتخابی مہم چلائی تاکہ علاقے کے ووٹروں کی دلچسپی اپنی جانب راغب کی جاسکے۔
پیپلز ڈیموکریٹک پارٹی کے امیدوار پلوامہ اسمبلی حلقہ وحید الرحمان پرہ نے کہا کہ انہوں نے اپنی انتخابی مہم کے دوران بہت سے ایسے علاقے دیکھے جہاں صحت کی دیکھ بھال، پانی، سڑک کے بنیادی ڈھانچے اور دیگر مناسب بنیادی سہولیات نہیں ہیں۔ ان کا کہنا ہے کہ سابقہ حکومتوں نے ان علاقوں کو ترقی کے معاملے میں نظر انداز کیا گیا۔ انہوں نے کہا کہ اگر وہ اقتدار میں آئے تو حلقہ کے تمام مسائل حل کریں گے۔
وحید الرحمان پرہ نے کہا کہ انجینئر رشید کی رہائی اچھی علامت ہے لیکن جیلوں کے اندر اور باہر بند وادی کے تمام قیدیوں کو رہا کیا جائے اور پارٹی کا بنیادی مقصد تمام قیدیوں کی رہائی ہے۔