ترال کے کہلیل میں گولیاں چلنے کے بعد سرچ آپریشن کا آغاز

ترال کے کہلیل میں عسکریت پسندوں کے چھپے ہونے کی اطلاع موصول ہونے کے بعد سیکوریٹی فورسس نے علاقہ میں سرچ آپریشن کا آغاز کردیا۔

ترال : جنوبی کشمیر میں ترال کے کہلیل لعل پورہ علاقے میں فوج کی جانب سے اس وقت سرچ آپریشن شروع کیا گیا جب علاقے میں گولیاں کے چلنے کی آواز سنادی، جس کے بعد فوج، سی آر پی ایف اور ایس او جی کے جوانوں نے پورے علاقے کو گھیرے میں لیکر سرچ آپریشن کا آغاز کردیا۔ سیکوریٹی فورسس نے سرچ آپریشن کے دوران علاقہ کے تمام داخلی و خارجی راستوں کی ناکہ بندی کردی اور علاقہ میں فورسس کی بھاری نفری کو تعینات کیا گیا ہے۔

سیکورٹی فورسز نے بڑے پیمانے پر سرچ آپریشن شروع کردیا ہے اور علاقہ میں گھر گھر تلاشی کا سلسلہ جاری ہے۔ تاہم ابھی تک کسی کی گرفتاری عمل میں نہیں لائی گئی۔ اطلاعات کے مطابق فورسز کو علاقے میں عسکریت پسندوں کے چھپے ہونے کی اطلاع موصول ہونے کے بعد کاروائی شروع کی گئی۔ آخری اطلاع موصول ہونے تک سرچ آپریشن جاری ہے۔

واضح رہے کہ جنوبی کشمیر کا ترال علاقہ میں گزشتہ کئی برسوں کے دوران عسکریت پسندی کے واقعات رونما ہوتے رہے ہیں اور بڑی تعداد میں علاقہ میں عسکریت پسند سرگرم رہتے تھے تاہم تازہ طور پر حالات مختلف ہے۔ اب یہاں صورتحال معمول پر آگئی ہے اور یہاں عسکریت پسندوں کی سرگرمی نہ کے برابر ہے۔