پی ڈی پی کا پولیس حراست میں نوجوان کی موت کی منصفانہ جانچ کا مطالبہ - Custodial Death In Pulwama

پی ڈی پی جموں و کشمیر یوتھ کے صدر وحید الرحمن پارہ نے پلوامہ میں پولیس کی حراست میں ایک نوجوان کی پراسرار موت کی منصفانہ جانچ کا مطالبہ کیا ہے۔ انہوں نے کہاکہ اس معاملے میں ملوث لوگوں کے خلاف سخت کارروائی کی جائے گی۔

پلوامہ:پیپلز ڈیموکریٹک پارٹی کے سینئر رہنما اور یوتھ صدر وحید الرحمان پارہ نے پلوامہ ضلع دفتر میں پارٹی کارکنان سے خطاب کیا۔اس میٹنگ میں نوجوانوں کی ایک بڑی تعداد نے شرکت کی جبکہ اس موقع پر کارکنان پر زور دیا گیا کہ وہ اسمبلی انتخابات کے لئے تیاریاں کریں تاکہ آنے والے اسمبلی انتخابات میں پارٹی کو جیت کرسکے۔

وحید الرحمن پارہ نے کہا جیتنا یا ہارنا انتخابات کا ایک حصہ ہے لیکن سیاسی پارٹیوں کو لوگوں کی فلاح و بہبود کے لیے کام کرنا چاہیے۔ہم جموں وکشمیر کے لوگوں کی فلاح و بہبود کے لیے کام کرنے کی کوشش کر رہے ہیں۔ انہوں نے ایل جی انتظامیہ اور حکومت ہند سے تمام سیاسی قیدیوں کو رہا کرنے اور باہر کی جیلوں میں بند قیدیوں کو جموں و کشمیر واپس لانے کی درخواست کی۔

پولیس کی حراست میں ایک نوجوان کی حالیہ موت پر جو کہ پولیس کے بیان کے مطابق منشیات فروش تھا اور اس کی طبیعت اچانک بگڑ گئی جس کے باعث اس کی موت ہوئی، وحید الرحمان پارہ نے کہا کہ اس کیس کو شفاف طریقے سے نمٹایا جائے جیسا کہ خاندان کے افراد ہیں۔ الزام ہے کہ اسے گھر سے اغوا کیا گیا اور بعد میں قتل کر دیا گیا۔ انہوں نے پولیس کے ڈائریکٹر جنرل آر آر سوین سے درخواست کی کہ وہ معاملے کی منصفانہ تحقیقات کریں۔