پلوامہ کے مختلف علاقوں میں ڈاکٹر فاروق عبداللہ کا روڈ شو (etv bharat) پلوامہ:مرکز کے زیر انتظام یوٹی جموں و کشمیر کے تمام اضلاع میں لوک سبھا انتخابات کے ہش نظر سیاسی جماعتوں کی انتخابی مہم زور شور سے جاریے ہے۔ سیاسی جماعتیں ووٹرز کی توجہ اپنی اپنی طرف مبذول کرانے میں مصروف ہیں۔
اسی درمیان ضلع پلوامہ کے مختلف علاقوں میں نیشنل کانفرنس کی جانب سے روڈ شو کا اہتمام کیا گیا۔ پارلیمانی انتخابات کی مہم کا آخری دن نیشنل کانفرنس کے صدر ڈاکٹر فاروق عبداللہ کی قیادت میں ضلع پلوامہ کے مختلف علاقوں سے روڈ شو کی قیادت کی تاکہ ووٹروں سے سرینگر پارلیمانی حلقہ کے امیدوار سید آغا روح اللہ مہدی کی حمایت کرنے کی اپیل کی جا سکے۔
روڈ شو کے دوران این سی صدر داکٹر فاروق عبداللہ، سرینگر پارلیمانی حلقہ کے امیدوار آغا سید روح اللہ مہدی اور پارٹی کے دیگر سینئر ممبران موجود تھے۔ یہ ریلی پانپور سے شروع ہوئی اور ضلع پلوامہ کے کونیبل، لدھو، شار، لیتہ پورہ، گالندر اور کاکا پورہ علاقے سے گزری۔ روڈ ریلی کے انعقاد کا بنیادی مقصد پارٹی کے ایجنڈے کو عوام تک پہنچانا ہے تاکہ عوام پارلیمانی الیکشن میں پارٹی کے امیدوار کی حمایت کر سکیں۔
یہ بھیہ پڑھیں:نیشنل کانفرنس کو سوپور میں ریلی برآمد کرنے کی اجازت
ڈاکٹر فاروق عبداللہ نے کہا کہ پارلیمانی انتخابات میں انڈیا الئینس کو زبردست کامیابی ملے گی اور مرکز میں حکومت بدلے گی۔ انہوں نے کہا کہ وادی میں نیشنل کانفرنس تینوں سیٹوں پر کامیابی حاصل کرے گی۔
