ادھم پور میں عسکریت پسندوں کے حملے میں ایک وی ڈی جی ممبر ہلاک - Militant attack in Udhampur

ادھم پور میں عسکریت پسندوں کی فائرنگ سے گاؤں کا ایک دفاعی محافظ زخمی ہو گیا۔ جہاں علاج کے لیے ہسپتال میں بھرتی کرایا گیا، دوران علاج اس کی موت واقع ہوگئی۔

ادھم پور: جموں و کشمیر کے ادھم پور ضلع کے ایک دور افتادہ گاؤں میں اتوار کو علی الصبح فائرنگ کے واقعے میں گاؤں کا دفاعی محافظ (وی ڈی جی) ہلاک ہو گیا۔

اس حوالے سے جموں و کشمیر پولیس نے بیان میں کہا کہ پولیس اسٹیشن بسنت گڑھ کے علاقے میں عسکریت پسندوں کی موجودگی کے بارے میں موصول ہونے والی اطلاع کی بنیاد پر، جموں و کشمیر پولیس نے ضلع ادھم پور کے بسنت گڑھ تھانے کی حدود میں سیکورٹی کو فعال کیا۔

پولیس ترجمان نے بیان میں مزید بتایا کہ آج صبح پولیس پکیٹ سنگ کی پارٹی اپنے ساتھ وی ڈی جی ممبران کو لے کر چوچرو گالا کی بلندیوں کی طرف بڑھی، جہاں تقریباً 7:45 بجے پولیس پارٹی اور چھپے ہوئے عسکریت پسندوں کے ایک گروپ کے درمیان آمنا سامنا ہوا۔

واضح رہے کہ ابتدائی فائرنگ کے تبادلے میں ایک ولیج ڈیفنس گارڈ ہلاک ہو گیا۔ پولیس نے بیان میں مزید کہا کہ ایس او جی نے فوج اور سی آر پی ایف پارٹیوں کے ساتھ مل کر علاقے کو گھیرے میں لے لیا ہے اور اس علاقے میں آپریشن جاری ہے۔ علاقے میں ری انفورسمنٹ روانہ کر دی گئی ہے۔

قابل ذکر ہے کہ اس سے قبل جموں کے میران صاحب علاقے میں ایک مٹھائی کی دکان پر فائرنگ کا واقعہ بھی پیش آیا۔ اس فائرنگ میں کسی طرح کا جانی نقصان ہوا ہے۔ ذرائع کے مطابق اس واقعے کا عسکریت پسندی سے تعلق نہیں ہے۔ اسے بظاہر گروہی تصادم یا کسی کوئی مجرمانہ واردات قرار دیا جا رہا ہے۔