رامبن میں نوجوانوں کا تعمیراتی کمپنی کے خلاف احتجاج

Youth Protest In Ramban رامبن ضلع میں مقامی باشندوں نے کبیرا کمپنی کے خلاف احتجاج کیا۔مقامی باشندوں نے کہاکہ قومی شاہراہ پر ماروگ اور ڈگڈول کے درمیان جاری فار لائن ٹنل کے تعمیراتی کاموں کے لئے لوگوں کو نظر انداز کیا جا رہا ہے۔ہم روزگار کے لئے احتجاج کر رہے ہیں۔

رامبن:مرکز کے زیر انتظام یوٹی جموں وکشمیر کے ضلع رامبن میں جموں سرینگر قومی شاہراہ پر ماروگ سے ڈگڈول کے درمیان جاری فور لین ٹنل کے تعمیری کام جاری ہے ۔

ٹاٹا پروجیکٹس کی جانب سے تعینات کبیرا کمپنی پر تعمیراتی کاموں کے لئے مقامی باشندوں کو نظر انداز کرنے کا الزام عائد کیا جا رہا ہے۔مقامی باشندوں نے کمپنی کے خلاف روزگار نہ دئے جانے پر سخت احتجاجی مظاہرہ کیا ۔

مقامی باشندوں کا کہنا ہے کہ گزشتہ ڈھائی ماہ سے مقامی بے روزگار نوجوان احتجاج کر رہے ۔ انہیں تعمیری کمپنی کی جانب سے روزگار مہیا کرایا جائے لیکن اس جانب ٹاٹا پروجیکٹس نیشنل ہائے وئے اتھارٹی آف انڈیا کے عہدیداران کی جانب سے کوئی توجہ نہیں دی جارہی ہے۔

انہوں نے مزید کہاکہ کمپنی کی عدم توجہی کے سبب مقام نوجوان سخت ناراض ہے ۔ڈی ڈی سی ممبر و سابق بے جے پی ضلع صدر راکیش ٹھاکر بھی موقع پر پہنچے اور احتجاجی نوجوانوں کے مظاہرے کی حمایت کی ۔

ڈی ڈی سی ممبر نے کہاکہ مقامی لوگوں کو روزگار سے محروم رکھنا سخت نا انصافی ہے ۔اس لئے جب تک انہیں ٹاٹا پروجیکٹس کی جانب سے روزگار فراہم نہیں کی جاتی ہے نوجوانوں کا احتجاج کا سلسلہ جاری رہے گا ۔