بارہمولہ:مرکز کے زیر انتظام یوٹی جموں و کشمیر کے بارہمولہ ضلع میں واقع ادبی تنظیم ساگر کلچرل فورم ژکر پٹن کی جانب سے ادبی نشست کا اہتمام کیا گیا۔ اس موقع پر شاعر عبدالاحد کی کتاب تصنیف ڈک سوز کا رسم اجرا عمل میں آیا۔رسم اجرا کے موقع پر مصنف کو خصوصی اعزاز سے بھی نوازا گیا۔
ضلع بارہمولہ کے نمبلن میں واقع تنظیم ساگر کلچرل فورم ژکر پٹن کی جانب سے منعقدہ یک روزہ ادبی نشست دو حصوں پر مبنی تھی۔پہلے مرحلے میں نشست میں تنظیم کے ساتھ وابستہ بزرگ شاعر عبدالاحد ملک الہام کی لکھی ہوئی تصنیف دِلکُ سوز کا رسم اجرا عمل میں آیا۔اس نشست کی صدارت معروف شاعر رنجور تلگامی نے کی ۔ان کے ساتھ ایوان صدارت میں مہمانہ خصوصی پی ڈی پی کے سینئر لیڈر بشارت بخاری،ٹیچرز فورم کے صدر محمد امین خان، ایڈوکیٹ رابیعہ خورشید، نیشنل کانفرنس کے سینئر رہنما جاوید حسن بیگ اور طاہر صوفی موجود تھے ۔