معراج العالم کی اختتامی تقریبات پر وادی میں بڑے اجتماعات، بارگاہ الہی میں خشک سالی کے خاتمہ کی دعا کی گئی

اننت ناگ ضلع میں سب سے بڑی تقاریب درگاہ حضرتبل کھرم اور کعبہ مرگ میں منعقد ہوئے۔

اننت ناگ:وادی کشمیر میں جمعہ کے روز معراج العالمﷺ کی اختتامی تقریبات نہایت ہی عقیدت واحترام اور تزک و احتشام کے ساتھ منائی گئیں۔اس سلسلے میں مساجد، زیارت گاہوں، خانقاہوں میں خصوصی مجالس کا انعقاد کیا گیا۔ جن میں علمائے کرام اور ائمہ مساجد نے پیغمبر اسلام صلی اللہ علیہ وسلم کی زندگی کے مختلف گوشوں پر روشنی ڈالی۔ وہیں زائرین کی کثیر تعداد کی موجودگی میں دردوازکار اور خاص دعائیں پڑھی گئیں ۔

آج کے دن کی مناسبت سے وادی میں جاری طویل خشک موسم کے خاتمہ پر خاص توجہ رہی، تمام مذہبی مقامات پر خشک سالی کے خاتمہ کی خاطر خاص دائیں کی گئیں اور بارگاہ الہی میں اللہ تعالی سے برف و باراں کی عاجزی کی گئی۔

اننت ناگ ضلع میں سب سے بڑی تقاریب درگاہ حضرتبل کھرم اور کعبہ مرگ میں منعقد ہوئے۔ جہاں پر عقیدت مند فجر سے مغرب کی نمازوں کے بعد حضرت محمد اللہ صلی اللہ علیہ وسلم کے موئے پاک کے دیدار سے فیضیاب ہوئے۔

وادی کشمیر کے مساجد زیارت گاہوں اور خانقاہوں میں جمعرات اور جمعہ کے درمیان پروقار شب خوانی کی تقریبات بھی منعقد کی گئیں ،لاکھوں کی تعداد میں عاشقان رسولﷺ وعظ و تبلیغ، درودواذکار ، ختمات المعظمات اور نعت و منقبت میں محو رہے۔

درگاہ حضرت بل کھرم اور کعبہ مرگ میں زائرین موئے مقدس کے دیدار سے بھی فیضیاب ہوئے جہاں پر ظہر، عصر،مغرب کی نمازوں کے بعد موئے مقدس کی نشاندہی کی گئی ۔ درگاہ حضرت بل کھرم اور کعبہ مرگ میں نماز کے اجتماعات میں ہزاروں کی تعداد میں مرد وزن نے شرکت کی اور موئے پاک کا دیدار کیا۔

انتظامیہ نے درگاہوں اور خانقاہوں میں زائرین کو ہر ممکن سہولیت پہنچانے کی غرض سے تمام انتظامات کئے تھے جن میں بلا خلل،بجلی ،پینے کا صاف پانی،طبی ،ٹرانسپورٹ ،صحت وصفائی کے علاوہ دیگر سہولیات شامل ہیں۔