کشمیر کا پہلا کنٹرولڈ کنڈیشن مشروم یونٹ - controlled condition mushroom unit

جموں وکشمیر کے ضلع بارہمولہ کے زبیر نے اسکیم کا فائدہ حاصل کرتے ہوئے، مشروم کا یونٹ شروع کیا اور دوسرے لوگوں کو بھی روزگار دیا۔ یہاں مشروم ہر موسم میں دستیاب ہوتی ہے۔

بارہمولہ : بےروزگاری کے اس دور میں جہاں عام طور پر سرکاری نوکری ملنا مشکل ہے لیکن سرکار کی مختلف اسکیمز ہیں جس سے نوجوان کو کافی فائدہ مل سکتا ہے۔

ضلع بارہمولہ کے زبیر نے اسکیم کے ذریعے Controlled condition Mushroom unit شروع کیا ہے
دراصل اس قسم کا یونٹ کشمیر کا پہلا مشروم یونٹ ہے جس میں جدید ترین ٹیکنالوجی کا استعمال کیا گیا ہے اور تقریبا 24 لاکھ کی لاگت سے تیار کیا گیا۔

ای ٹی وی بھارت کے ساتھ خصوصی گفتگو کرتے ہوئے اس مشروم یونٹ کے مالک زبیر نے کہا کہ کشمیر میں مشروم کے ساتھ لوگ کافی سالوں سے منسلک ہیں۔ کشمیر میں سال میں دوبار مشروم اگایا جاتا ہے لیکن جو میں نے یونٹ شروع کیا ہے یہ کافی جدید ہے ۔ یہ کشمیر کا پہلا ایسا یونٹ ہے جس میں مسلسل سال بھر مشروم دستیاب رہتی ہے اور اگایا جا ہے کیونکہ اس میں اعلی قسم کی مشینری ہے جس سے مشروم کو کنٹرول کنڈیشن کے تحت رکھا جا سکتا ہے۔

زبیر نے کہا کہ محکمہ ایگریکلچر کے ان کو کافی تعاون دیا ہے اور جو بارہمولہ میں مشروم دفتر ہے انہوں نے مجھ کو کافی تربیت دی اور اس کے بعد انہوں نے مجھ کو سولن ہماچل بھی بھیجا اور وہاں سے میں نے رسرچ انسٹیٹیوٹ میں ٹریننگ بھی لی جس سے مجھ کو کافی فائدہ ملا۔

زبیر نے مزید کہا کہ ڈپارٹمنٹ کے ساتھ ساتھ اس کو والدین کا کافی سپورٹ رہا کیونکہ اگر ہم موجودہ وقت کی بات کرتے تو بے روزگاری کافی زیادہ ہے لیکن میں کافی خوش ہوں کیونکہ میں نے اپنے ساتھ لوگوں کو روزگار دیا اور یہ مشروم یونٹ کافی بہترین ہے اور میں اس وقت اچھا روزگار حاصل کر رہا ہوں۔

زبیر نے بتایا کہ نوجوانوں کو سامنے آنا چاہیے اور سرکار کی مختلف اسکیمز سے مستفید ہونا چاہیے کیونکہ اس سے وہ اپنا روزگار شروع کر سکتے ہیں۔

اس دوران مشروم افسر بارہمولہ دلجیت سنگھ نے خوشی اور مسرت کا اظہار کیا اور کہا کہ یہ کشمیر کا پہلا ایسا یونٹ ہے جہاں پر مشروم ہر وقت دستیاب رہتی ہے اور اس کے پیچھے ہم سب نے کافی محنت کی ہے اور ہم چاہتے ہے کہ اور زیادہ نوجوان سامنے آئے اور ان اسکیموں کا فائدہ حاصل کرے۔