نئے سال کی آمد کے موقع پر معروف سیاحتی مقام گلمرگ میں سیاح جشن کی تیاریوں میں مصروف

وادی میں برفباری کے بعد سیاحوں کی آمد کا سلسلہ جاری ہے۔ گلمرگ میں سیاح نئے سال کا جشن منانے میں مصروف ہیں۔

گلمرگ : شمالی کشمیر کے ضلع بارہمولہ کے مشہور سیاحتی مقام گلمرگ میں نئے سال کی آمد کے پیش نظر ملک و بیرونی ممالک سے سیاح ہر سال کی طرح اس بار بھی کافی تعداد میں جمع ہوچکے ہیں اور نئے سال کا جشن منانے کےلئے پوری طرح تیار ہیں۔ سیاحوں نے بتایا کہ ’ہم کافی خوش ہے۔ کشمیر کا گلمرگ دنیا کے سب سے بہترین مقامات میں سے ایک ہے۔ ہر سال کی طرح اس بار بھی یہاں کافی برفباری ہوئی ہے اور برفباری سے ہر کوئی لطف اندوز ہورہا ہے، ہم کو یہاں کافی انجوائے کررہے ہیں‘۔

سیاح نے کہا کہ گلمرگ میں چاروں طرف برف ہی برف ہے اور اس موسم میں گومنے کا ایک الگ ہی مزہ ہے۔ انہوں نے مزید کہا کہ ہم پہلی بار کشمیر اور گلمرگ آئے ہیں، ہم یہاں آکر خود کو خوش قسمت سمجھ رہے ہیں۔ سیاح نے کہا کہ ہم چاہیے تھے کہ ہم نئا سال گلمرگ کی حسین وادیوں میں منائیں اور آج ہم جشن منانے کےلئے پوری طرح تیار ہے۔ انہوں نے دیگر لوگوں سے بھی گھومنے کےلئے گلمرگ آنے کی اپیل کی۔

آپ کو بتادیں کہ اگر چہ سرکار اور انتظامیہ کی جانب سے اس سال گلمرگ میں کوئی سرکاری فنکشن نہیں ہوگا تاہم اس کے باوجود سیاحوں نے بڑے پیمانہ پر گلمرگ کا رخ کیا ہے اور وہ برفباری سے لطف اندوز ہو رہے ہیں۔