جموں سے 1295 یاتریوں کا ایک اور تازہ جتھا امرناتھ یاترا کے لیے روانہ - Amarnath Yatra 2024

Amarnath Yatra 2024: جموں سے 1295 امرناتھ یاتریوں کا ایک اور تازہ جتھا امرناتھ یاترا کے لیے روانہ ہوا۔ جموں میں واقع بھگوتی نگر یاتری نواس سے یہ تازہ جتھا امرناتھ گپھا کی جانب روانہ ہوا۔

امرناتھ یاترا:29 جون کو شروع ہونے والی 52 روزہ طویل امرناتھ یاترا سخت ترین حفاظتی انتظامات کے درمیان بالتل اور پہلگام کے جڑواں راستوں سے جاری ہے۔ جمعرات کی علی الصبح 1295 یاتریوں پر مشتمل ایک اور تازہ دستہ امرناتھ یاترا کے لیے جموں کے بھگوتی نگر یاتری نواس سے امرناتھ گپھا کی طرف روانہ ہوا۔ بدھ کے روز پہنچنے والے یاتریوں کے 34ویں قافلے نے بالتال اور نُنون پہلگام کے بیس کیمپس سے جنوبی کشمیر کے ہمالیائی پہاڑیوں میں 3880 میٹر بلندی پر واقع گپھا کے درشن کے لیے آج علی الصبح اپنا سفر شروع کیا۔

جموں سے 1295 یاتریوں کا ایک اور تازہ جتھا امرناتھ یاترا کے لیے روانہ (ETV Bharat Urdu)

وہیں گزشتہ روز 5086 یاتریوں نے مقدس گپھا کے درشن کیے۔ ایک سرکاری عہدیدار نے بتایا کہ سخت ترین سکیورٹی انتظامات کے درمیان 35ویں روز 1295 یاتری 48 گاڑیوں میں جموں کے بھگوتی نگر یاتری نواس سے پہلگام اور بالتل بیس کیمپوں تک پہنچنے کے لیے وادیٔ کشمیر میں امرناتھ مقدس گپھا کے درشن کے لیے روانہ ہوئے۔

جموں سے 1295 یاتریوں کا ایک اور تازہ جتھا امرناتھ یاترا کے لیے روانہ (ETV Bharat Urdu)

بدھ کی علی الصبح جموں سے وادی کی جانب روانہ ہونے والے یاتریوں میں 1066 مرد، 182 خواتین، 42 سادھو 4 سادھوی 01 ٹرانس جنڈر شامل ہیں، جن میں بالتال ٹریک سے 349 یاتری اور پہلگام کے راستہ کے لیے 946 یاتری بالترتیب 15 اور 33 گاڑیوں میں سوار تھے۔ سرکاری اعداد و شمار کے مطابق 29 جون کو امرناتھ یاترا کے آغاز کے بعد سے اب تک 476438 یاتریوں نے گپھا کا درشن کیا۔ واضح رہے کہ 52 روز پر مشتمل امرناتھ یاترا 29 جون سے شروع ہوئی جو 19 اگست تک جاری رہے گی۔

جموں سے 1295 یاتریوں کا ایک اور تازہ جتھا امرناتھ یاترا کے لیے روانہ (ETV Bharat Urdu)