بارہمولہ میں چار منشیات فروش گرفتار، لاکھوں کی مالیت کا ممنوعہ مادہ برآمد

بارہمولہ میں پولیس نے چار منشیات فروشوں کو منشیات کے ساتھ گرفتار کیا گیا ہے۔

بارہمولہ:شمالی کشمیر کے ضلع بارہمولہ میں پولیس نے چار منشیات فروشوں کو گرفتار کیا ہے اور ان کے قبضے سے لاکھوں مالیت کا ممنوعہ مادہ برآمد کیا ہے۔

تھانہ کریری کی ایک پولیس پارٹی نے ایس ایچ او پی ایس کریری کی سربراہی میں وزیر کراسنگ پر قائم چوکی پر ایک دو پہیہ موٹر سائیکل جس کا رجسٹریشن نمبر JK16-1407 تھا کو روک لیا۔ تلاشی کے دوران ان کے قبضے سے 1.47 کلو گرام ممنوعہ خشک بھنگ اور دیگر چیزیں برآمد ہوئیں۔ انہیں گرفتار کر لیا گیا ہے۔ دو پہیہ گاڑی بھی موقع پر ضبط کر لی گئی۔ ملزمین کی شناخت تنویر احمد ڈار ولد خضر محمد ڈار اور مصیب احمد ڈار ولد منظور احمد کے نام سے ہوئی ہے۔ دونوں ہادی پورہ بارہمولہ کے رہنے والے ہیں۔

اسی طرح تھانہ کریری کی پولیس پارٹی نے ایس ایچ او پی ایس کریری کی سربراہی میں چیک ٹپر پر قائم چوکی پر کارروائی کرتے ہوئے ایک شخص کو روکا جس کی شناخت عبدالرشید خان ولد محمد خان ساکن کریری کے نام سے ہوئی۔ دوران تلاشی اس کے قبضے سے 3 کلو گرام ممنوعہ پوست بھوسے جیسی مادہ برآمد ہوئی۔ ملزم گرفتار کر لیا گیا ہے۔

کروڑوں روپے مالیت کے ہیریون اسمگلنگ نیٹ ورک کا پردہ فاش
علاوہ ازیں پولیس چوکی میرگنڈ کی پولیس پارٹی نے آئی سی پی پی میرگنڈ کی سربراہی میں جھیل کے قریب چنابل میں قائم چوکی پر ایک شخص کو روکا جس کی شناخت عابد حسین صوفی ولد غلام حسین ساکن یکمان پورہ پتن کے نام سے ہوئی۔ تلاشی کے دوران اس کے قبضے سے 1.88 کلو گرام ممنوعہ چرس برآمد ہوا۔ اسے بھی گرفتار کر لیا گیا ہے۔ اسی مناسبت سے پولیس اسٹیشن کریری اور پٹن میں قانون کی متعلقہ دفعات کے تحت مقدمات درج کرکے تحقیقات شروع کردی گئی ہیں۔