لوک ڈونگری گلوکار رومالو رام پدم سری اعزاز سے سرفراز

Romalo Ram conferred Padma Shri Award ادھم پور ضلع کے رام نگر علاقے کے امروہ گاؤں کے رہنے والے رومالو رام کو لوک گیت ڈونگری کو عام لوگوں تک پہنچانے میں اہم رول ادا کرنے پر پدم سری ایوارڈ سے نوازا گیا۔گزشتہ سال وہ زونل ایجوکیشن آفیسر کے عہدے سے ریٹائر ہوئے تھے۔

جموں:رومالو رام لوک گلوکاری کی دنیامیں اپنی منفرد شناخت رکھتے ہیں۔اس کے علاوہ آرٹ کے شعبے میں جموں کے رومالو رام اور کشمیر کے غلام نبی ڈار کو پدم شری دیا گیا ہے۔ جبکہ لداخ کے بدھ مذہبی رہنما توگدان رنپوچے کو روحانیت کے میدان میں بعد از مرگ پدم بھوشن سے نوازا گیا ہے۔

ذرائع کے مطابق ادھم پور ضلع کے رام نگر علاقے کے امروہ گاؤں کے رہنے والے رومالو پچھلے سال زونل ایجوکیشن آفیسر کے عہدے سے ریٹائر ہوئے تھے۔پڑھائی کے دوران نویں جماعت سے ہی انہوں نے جموں و کشمیر کے لوک رقصوں کی شناخت دلانے کے مقصد سے مختلف مقامات پر اسٹیج شو کرنا شروع کیا۔ انہیں سال 2022 میں اسٹیٹ ایوارڈ سے بھی نوازا گیا۔

2024 ڈوگری لوک گلوکار رومالو رام نے فن کے میدان میں پدم شری ایوارڈ سے نوازنے پر مرکزی حکومت کا شکریہ ادا کیا ہے۔ انہوں نے کہا کہ میں حکومت کا شکرگزار ہوں۔ پچھلی حکومتوں نے ڈوگری لوک فن کو نظر انداز کیا، میں گزشتہ 40 سالوں سے اس فن سے وابستہ ہوں۔ جبکہ میں نے ہمیشہ اس فن کو بچانے کی کوشش کی۔ مشہور لوگوں کے ساتھ کام کیا ہے۔

ان کا مزید کہنا تھا کہ گانا ’ماں بولی ڈوگری‘ کو اہمیت اور اعزاز دینے پر وہ حکومت کے بے حد مشکور ہیں۔یہ نہ صرف ان کے لیے بلکہ میرے دوستوں کے لیے بھی ہے۔