سرینگر: جموں وکشمیر وقف بورڈ کی چئیرپرسن ڈاکٹر درخشاں اندرابی نےسرینگر میں میڈیا نمائندوں کے ساتھ بات چیت کے دوران کہاکہ دفعہ 370کی منسوخی کے بعد مرکزی سرکار جموں وکشمیر کی ترقی کی خاطر فراخ دلی کا مظاہرہ کر رہی ہے۔یہاں کے ترقیاتی منصوبوں کے لیے کثیر رقم مختص رکھنا اس بات کا غماز ہے مرکز یوٹی پر خاص توجہ مرکوز کئے ہوا۔انہوں نے کہا کہ یہاں ایک وقت میں ٹررازم کی بات ہوا کرتی تھی لیکن اب ٹورازم کی بات کی جاتی ہے۔
اگست 2019 کے بعد جموں وکشمیر مرکزی بجٹ کے ترجیحات میں ہوتا ہے۔ ڈاکٹر درخشاں اندرابی (etv bharat) انہوں نے کہا کہ جموں وکشمیر میں ترقی کے کام شدو مدد سے جاری ہے اور حالیہ بجٹ میں ترقیاتی کاموں کے لیے مختص رقم سے نہ ان منصوبوں کو پایہ تکمیل تک پہنچایا جایا جارہا ہے بلکہ نئے تعمیراتی پروجیکٹس کو بھی دردست لیا جائے گا ۔انہوں نے مزید کہا جس طرح جموں و کشمیر انتظامیہ کام کررہی ہے امید ہے کہ آنے والے وقت جموں وکشمیر دیگر ریاستوں اور یوٹیز کے ہم پلہ ہوگی۔
یہ بھی پڑھیں:وقف چیرپرسن درخشان اندرابی نے ترال میں واقع خانقاہ فیض پناہ کا دورہ
واضح رہے کہ سال 2024_25 کے حالیہ مرکزی بجٹ میں جموں وکشمیر کے لیے 42277.72 کروڑ روپے مختص کئے گئے ہیں ۔رواں برس مختص رقم میں گزشتہ مالی سال کے 4175.44 کروڑ روپے میں 1.2 فیصد کا اضافہ کیا گیا یے۔
