کمیونسٹ پارٹی آف انڈیا کے نیشنل سکریٹری عزیز پاشاہ کا شوپیان دورہ، پریس کانفرنس میں اہم اعلانات - CPI press conference at Shopian

سی پی آئی کی ایک اہم پریس کانفرنس منعقد ہوئی جس میں سی پی آئی کے نیشنل سکریٹری عزیز پاشاہ نے بتایا کہ اسٹیٹ کونسل کی میٹنگ منعقد ہوئی ہے، جس میں آنے والے اسمبلی انتخابات پر تفصیلی بات چیت کی گئی ہے۔

شوپیان: کمیونسٹ پارٹی آف انڈیا (سی پی آئی) کے نیشنل سکریٹری اور سابق ممبر پارلیمنٹ عزیز پاشاہ نے جنوبی کشمیر کے ضلع شوپیان کا دورہ کیا اور یہاں ایک پریس کانفرنس کا انعقاد کیا۔

پریس کانفرنس کے دوران، عزیز پاشاہ نے بتایا کہ پارٹی کی اسٹیٹ کونسل کی میٹنگ سرینگر میں منعقد ہوئی ہے، جس میں آنے والے اسمبلی انتخابات پر تفصیلی بات چیت کی گئی ہے۔ اس میٹنگ میں پارٹی کی جانب سے انتخابات میں حصہ لینے والے امیدواروں کے ناموں پر بھی تبادلہ خیال کیا گیا۔

انہوں نے شوپیان ضلع کے سیب کے کاشتکاروں کے مسائل پر بھی روشنی ڈالی۔ عزیز پاشاہ نے کہا کہ شوپیان کے سیب پورے ملک میں مشہور ہیں، مگر ایران اور دیگر ممالک سے آنے والے سیبوں پر کم ٹیکس کی وجہ سے مقامی سیبوں کی قیمتوں میں بڑی گراوٹ آئی ہے، جس سے کاشتکار شدید مشکلات کا شکار ہیں۔ انہوں نے کہا کہ ہماری یہی کوشش ہے کہ ہم یہاں کے کاشتکاروں کو ان کی کاشتکاری کی پیداوار کی واجب قیمت دلوائیں۔

انہوں نے مذید روشنی ڈالی کہ یہاں کا سیب پورے ملک میں مشہور ہے مگر حکومت نے ااسانیاں کم اور ٹیکس زیادہ لگایا ہوا ہے جس کی وجہ سے لوگ یہاں کا سیب نہیں خرید پا رہے ہیں اور کاشتکار پریشان ہیں۔

عزیز پاشاہ نے مزید کہا کہ کمیونسٹ پارٹی آف انڈیا عام لوگوں کی بہتری کے لیے کام کرتی رہے گی اور ان کے مسائل کے حل کے لیے ہر ممکن کوشش کرتی رہے گی۔