دارالعلوم جامعتہ المدینہ منگہمہ پلوامہ میں دستار بندی اور دینی اجتماع کا انعقاد

دارالعلوم جامعتہ المدینہ فیضان غوثیہ ہمدانیہ منگہمہ پلوامہ میں 10 طلبہ کی دستار بندی کے ساتھ ساتھ ایک بڑے دینی اجتماع کا انعقاد کیا گیا۔

پلوامہ (سید عادل مشتاق شاہ): ضلع پلوامہ کے دارالعلوم جامعۃ المدینہ فیضان غوثیہ ہمدانیہ منگہمہ پلوامہ میں اس سال تقریباً دس طلبہ نے درس نظامی مکمل کیا ہے جن کی دستار بندی اور تقسیم اسناد تقریب کا انعقاد کیا گیا۔ اس موقعے پر طلبہ کی حوصلہ افزائی کے لیے جہاں دستاربندی کی گئی وہیں ایک بڑا عوامی دینی اجتماع بھی منعقد کیا گیا۔ اجتماع میں متعدد علمائے کرام نے حاضرین سے خطاب کیا۔

اس موقعے پر پرنسپل جامعۃ المدینہ فیضان غوثیہ ہمدانیہ منگہمہ نثار احمد نے بات کرتے ہوئے کہا کہ والدین کو چاہیے کہ وہ طلبہ کو دینی تعلیم سے آراستہ کریں تاکہ وہ سماج میں پھیلی برائیوں سے دور رہیں۔

اسی کے ساتھ انہوں نے شراب پر پابندی لگانے کا مطالبہ کرتے ہوئے کہا اسلام میں شراب نوشی حرام قرار دے گی ہے اور ہم بھی چاہتے ہیں کہ جموں و کشمیر کے ساتھ ساتھ پورے ملک میں شراب پر پابندی لگنی چاہیے جب کہ منشیات کے استعمال پر بھی پابندی عائد کی جانے چاہیے۔

قابل ذکر ہے کہ دارالعلوم جامعۃ المدینہ فیضان غوثیہ ہمدانیہ میں طلبہ کو دینی تعلیم کے ساتھ ساتھ دنیاوی تعلیم بھی دی جاتی اور یہاں پر ہزاروں کی تعداد میں نوجوانوں بچے اور بچیاں دینی تعلیم سے آراستہ ہورہے ہیں۔