جموں میں کانگریس کا بی جے پی کے خلاف احتجاج

Congress Protest in Jammu ایس بی آئی الیکٹرول بانڈ کو عام نا کرنے کے خلاف جموں و کشمیر پردیش کانگریس کمیٹی کے سینکڑوں کارکنان نے سرمائی دارالحکومت جموں کے شہید چوک پر واقع پارٹی ہیڈ کوارٹر کے باہر جم کر احتجاج کیا۔

جموں:جموں کشمیر پردیش کانگریس کمیٹی کے کارگزار صدر رمن بھلا نے کہا کہ انتخابی بانڈ اسکیم کا بنیادی فائدہ بی جے پی ہے نے بانڈ کے عطیات کا 55 فیصد وصول کیا ہے۔وہ خلاف ورزی ہے۔ بی جے پی اس بات سے پریشان ہے کہ اگر عطیہ دہندگان کے بارے میں معلومات عام ہو جاتی ہیں تو منتخب کارپوریٹس کے ساتھ اس کے روابط کے پردہ فاش ہو نے خدشہ ہے۔ یہی وجہ ہے کہ ایس بی آئی نے سپریم کورٹ سے 30 جون 2024 تک مدت بڑھانے کا مطالبہ کیا ہے۔

انہوں نے کہا کہ ایس بی آئی کا سپریم کورٹ میں انتخابی بانڈ دینے والوں کے نام دینے کی آخری تاریخ 13 مارچ سے 30 جون تک بڑھانے کے لیے عرضی دائر کرنا اس بات کا واضح اشارہ ہے کہ بی جے پی حکومت بہت کچھ چھپانا چاہتی ہے۔ آج کل بینکوں کے تمام ریکارڈ کمپیوٹر میں درج ہیں۔ اس لیے ان ریکارڈوں کو نکالنے میں منٹوں کی بات ہے۔

کانگریس کے رہنما کا کہنا ہے کہ اس کے باوجود وقت مانگنا یہ ظاہر کرتا ہے کہ ایس بی آئی انتخابات سے پہلے بی جے پی کو بے نقاب ہونے سے بچانے کی کوشش کر رہا ہے۔ انتخابی بانڈ ہندوستان کا سب سے بڑا گھوٹالہ ہے۔