وقف بورڈ کے اسکولوں کو ڈیجیٹائز کیا جائے گا: درخشاں اندرابی (ای ٹی وی بھارت)
بانڈی پورہ:جموں و کشمیر وقف بورڈ کی چیئرپرسن ڈاکٹر سید درخشاں ادرابی نے شمالی کشمیر کے بانڈی پورہ ضلع کا دورہ کرکے علاقے کی معروف زیارتگاہ ’’اہم شریف‘‘ کا دورہ کیا اور سلطان العارفین کی زیارت گاہ پر عقیدت مندوں کے لیے کیے جا رہے انتظامات کا جائزہ لیا۔ انہوں نے یہاں ایک پروگرام میں شرکت کی اور وقف زیارات، اداروں اور عمارتوں کو اپگریڈ کیے جانے کے عزم کا اعادہ کیا۔
درخشاں اندرابی نے میڈیا نمائندوں کے ساتھ بات چیت کرتے ہوئے کہا کہ وقف کی زیر نگرانی اسکولوں کو اپگریڈ کرنے کے حوالہ سے انہوں نے ایک پروگرام ترتیب دیا ہے جس کی رو سے وقف اسکولوں میں طلباء کو ڈیجیٹل ٹیکنالوجی سے آراستہ کیا جائے گا۔ اندرابی نے کہا: ’’وقت بورڈ اسکولوں کو ڈیجیٹائز کرنے کے لیے پر عزم ہے۔‘‘