نیشنل کانفرنس اور کانگریس کا اتحاد صرف ایک فلمی ڈرامہ: ترون چگ - Tarun Chugh hits out at NC chief

فاروق عبداللہ نے کہاکہ 'یہ ملک تنوع میں اتحاد کے لیے جانا جاتا ہے۔ ہمارے ملک میں ہر مذہب اور ہر زبان کا احترام ہوتا ہے، یہی وجہ کہ ہندوستان ایک وفاقی ڈھانچہ ہے‘۔ این سی سربراہ کے اس بیان پر بی جے پی لیڈر ترون چگ نے تنقید کی۔

سرینگر: بی جے پی کے قومی جنرل سکریٹری اور جموں و کشمیر اور لداخ کے انچارج ترون چگ نے نیشنل کانفرنس اور کانگریس کے انتخابی اتحاد پر شدید تنقید کرتے ہوئے کہا کہ جو لوگ پاکستان کی حمایت کرتے رہے ہیں اور ہمیشہ لوگوں کو تقسیم کرنے کی کوشش کرتے رہے ہیں، وہ اب اتحاد کے نام پر ووٹ مانگ رہے ہیں۔ انہوں نے فاروق عبداللہ کو نشانہ بناتے ہوئے کہاکہ ملک میں اتحاد پر این سی کے سربراہ کا تبصرہ ’فلمی ڈرامہ‘ ہے اور وہ وہ انتخابات کے وقت "مگرمچھ کے آنسو بہا رہے ہیں‘۔

انہوں نے کہا کہ فاروق عبداللہ کے بیانات میں اچانک تبدیلی محص ایک سیاسی ڈرامہ ہے۔ ترون چگ نے کہا کہ ’ہم جے کے این سی کی قیادت سے مطالبہ کرتے ہیں کہ وہ بیان بازی سے آگے بڑھ کر ایک متحد قوم کی تعمیر کے لیے ٹھوس اقدامات کریں’۔ انہوں نے کہا کہ نیشنل کانفرنس جس نے اپنے انتخابی منشور میں دفعہ 370 کو بحال کرنے کا وعدہ کیا تھا تاہم اب دعویٰ کیا جارہا ہے کہ اس کےلئے 100 سال لگ سکتے ہیں۔

واضح رہے کہ فاروق عبداللہ نے آسام اسمبلی میں جمعہ کی نماز کےلئے ارکان کو دیئے جانے والے وقفہ کو ختم کرنے پر تنقید کرتے ہوئے کہا تھا کہ ’حکومت کو چاہئے کہ وہ ہر مذہب کے ماننے والوں کا احترام کرے‘۔