بارہمولہ: رابطہ سڑک کی خستہ حالی سے لوگ پریشان - Baramulla

بارہمولہ کے سرحدی علاقے اوڑی کی رابطہ سڑک کئی سالوں سے خستہ حال کا شکار ہے۔ سڑک خستہ حال ہونے سے دھول اور مٹی کے گرد وغبار اڑتے ہیں جس سے کئی بیماریوں کا خطرہ بھی لاحق ہے۔

بارہمولہ:ضلع بارہمولہ کے سرحدی علاقے اوڑی کے نورکھا سے بگنا علاقے کی جانے والی رابطہ سڑک کئی سالوں سے خستہ حال کا شکار ہے۔ سڑک خستہ حال ہونے سے دھول اور مٹی اڑنے کی وجہ سے کئی بیماریوں کا خطرہ بھی لاحق ہے۔ اس سڑک پر ایک سکول بھی ہے جس میں سکولی بچوں کے ساتھ ساتھ مقامی لوگوں کو آنے جانے میں بھی کافی پریشانیوں کا سامنا کرنا پڑتا ہے۔

سڑک پر بڑے بڑے گڈھے ہیں، جب بارش ہوتی ہے تو گندا پانی ان گڈھوں میں جمع ہو جاتا ہے، جس کی وجہ سے مقامی لوگوں کو کافی پریشانی اٹھانی پڑتی ہے۔ اس سلسلے میں مقامی لوگوں نے کئی بار محکمہ ار این بی سے اس سڑک کی مرمت کا کام کرنے کے لیے گزارش بھی کی تھی لیکن ابھی تک کچھ نہیں کیا گیا۔

غور طلب ہو کہ مقامی لوگوں نے محکمہ ار این بی پر الزام لگایا ہے کہ محکمہ ان رابطہ سڑکوں کو مرمت اور تعمیر کرنے میں ناکام ثابت ہو رہا ہے۔ ہماری یہ رابطہ سڑک پچھلے کئی سالوں سے خستہ حالت کا شکار ہے، ابھی تک سڑک کی مرمت نہیں کی گئی ہے۔

لوگوں نے بتایا کہ ہم نے کہیں بار محکمے سے اس بارے میں کہا بھی تھا، لیکن انہوں نے ابھی تک کچھ نہیں کیا۔ اب ہم گورنر انتظامیہ سے گزارش کرتے ہیں کہ جلد سے جلد ہماری رابطہ سڑک کا مرمت کا کام شروع کیا جائے۔ ایک مقامی شخص عرفان احمد نے ای ٹی وی بھارت کے ساتھ بات کرتے ہوئے کہا کہ یہ رابطہ سڑک کئی سالوں سے خستہ حال ہے، اس کی طرف محکمہ کوئی توجہ نہیں دے رہا ہے اس میں محکمہ ار این بی کی لاپرواہی ہے۔

ایک طالب علم اظہر محمود نے کہا کہ سڑک پر دھول و مٹی اڑتی ہے، جب ہم سکول جاتے ہیں تو ہمیں سکول جانے میں کافی پریشانی ہوتی ہے۔ سڑک پر بڑے بڑے کڈھے بنے ہوئے ہیں۔ یہ ساری دھول مٹی لوگوں کے دکانوں اور گھروں میں جاتی ہے۔ ہم چاہتے ہیں کہ سڑک پر پھر سے ایک نیا میکڈم ڈالا جائے۔