مثالی ضابطہ اخلاق کے نفاذ کا مقصد تمام پارٹیوں کو یکساں میدان فراہم کرنا ہوتا ہے: صوبائی کمشنر کشمیر - Lok Sabha Elections 2024

Div Comm-K on Lok Sabha Elections: صوبائی کمشنر کشمیر وی کے بدھوری نے جمعرات کے روز کہا کہ انتظامیہ کے لیے آزادانہ اور منصفانہ لوک سبھا انتخابات اور امرناتھ یاترا کا انعقاد ایک اہم کام ہے۔ انہوں نے کہا کہ دونوں تقریبات کے لیے تمام ضروری انتظامات مناسب طریقے سے کیے جائیں گے۔

سرینگر:صوبائی کمشنر کشمیر وی کے بدھوری کا کہنا ہے کہ مثالی ضابطہ اخلاق کے نفاذ بنیادی مقصد تمام پارٹیوں کو یکساں میدان فراہم کرنا ہوتا ہے۔انہوں نے کہا کہ لوک سبھا انتخابات کے انعقاد کے پیش نظر مثالی ضابطہ اخلاق نافذ ہوگیا ہے۔ موصوف صوبائی کمشنر نے ان باتوں کا اظہار جمعرات کو سرینگر میں نگاروں کے ساتھ بات کرنے کے دوران کیا۔
انہوں نے کہا: 'مثالی ضابطہ اخلاق نافذ ہوگیا ہے اور اس کا مقصد تمام پارٹیوں کو یکساں میدان فراہم کرنا ہوتا ہے'۔ان کا کہنا تھا کہ متعلقہ افسران اس کی مانیٹرنگ کر رہے ہیں۔ امرناتھ یاترا اور لوک سبھا انتخانات کی تیاریوں کے بارے میں پوچھے جانے پر بدھوری نے کہا: 'یاترا اور لوک سبھا انتخابات کی اپنی اپنی اہمیت ہے، یاترا کے حوالے سے یاتریوں کو تمام تر سہولیات فراہم کی جانے کی کوشش کی جائے گی'۔
مزید پڑھیں:

انہوں نے کہا کہ لوک سبھا انتخابات کے لئے بھی تمام تیاریوں کو حتمی شکل دی جا رہی ہے۔ان کا کہنا تھا کہ امسال ریکارڈ تعداد میں ووٹنگ متوقع ہے۔ سرینگر کی سڑکوں کے بارے میں ہوچھے جانے پر صوبائی کمشنر نے کہا کہ موسم بہتر ہونے کے ساتھ ہی ان پر بلیک ٹاپنگ کا کام شروع کیا جائے گا۔انہوں نے کہا کہ یہ کام چلتے رہتے ہیں ان پر مثالی ضابطہ اخلاق سے کوئی اثر نہیں پڑتا ہے۔
(یو این آئی)