کشمیر میں داخلہ فیس وصول کرنے والے اسکولوں کے خلاف کارروائی کا اعلان - DSEK Warns Pvt Schools

ڈائریکٹر اسکول ایجوکیش، کشمیر کا کہنا ہے کہ اسکولوں میں داخلہ فیس کا مطالبہ کرنے والے اسکولوں کے خلاف قانونی کے تحت سخت کارروائی عمل میں لائی جائے گی۔

سرینگر (جموں کشمیر) : ڈائریکٹر اسکول ایجوکیش، کشمیر، تصدق حسین میر نے کہا کہ جموں وکشمیر فیس فیکزیشن اینڈ ریگولیشن کمیٹی نے نجی اسکولوں کو ہدایت جاری کی ہے کہ وہ اندراج کے عمل کے دوران داخلہ فیس وصول کرنا بند کریں۔ یہ کارروائی والدین کی جانب سے اسکولوں میں ایڈمیشن یا داخلہ فیس کا مطالبہ کر کے اور اکثر رسید فراہم کئے بغیر قانون کے خلاف ورزی کے بارے میں متعدد شکایات کے بعد انجام دی گئی ہے۔

جموں وکشمیر فیس فیکزیشن اینڈ ریگولیشن کمیٹی نے متنبہ کیا ہے کہ قصور وار پائے جانے والے اسکولوں کو قانونی چارہ جوئی کا سامنا کرنا پڑ سکتا ہے جس میں ان کی تعمیل کرنے میں ناکام ہونے کی صورت میں ممکنہ طور اسکول کو ’’غیر تسلیم شدہ‘‘ قرار دیا جانا بھی شامل ہے۔ انہوں نے مزید کہا کہ اگر کوئی اسکول اس میں ملوث پایا گیا تو اس کے خلاف کارروائی کی جائے گی اور کسی نے بھی اس معاملے میں زیادتی کی تو اس کے خلاف بھی قانون کے تحت سخت کارروائی عمل میں لائی جائے گی۔ دریں اثناء، انہوں نے مزید کہا کہ گرمائی تعطیلات کی توسیع پر موسمی صورتحال جائزہ لینے اور اس پر غور وخوض کرنے کے بعد فیصلہ صادر کیا جائے گا۔