کشتواڑ میں سڑک حادثہ، چار افراد ہلاک، دو زخمی - 4 died in Kishtwar road accident

جموں و کشمیر کے کشتواڑ میں پیش آئے ایک سڑک حادثہ میں چار افراد ہلاک اور دو لوگ زخمی ہو گئے۔ زخمیوں کا علاج مقامی اسپتال میں چل رہا ہے۔

کشتواڑ (جموں کشمیر):کشتواڑ ضلع کے دچھن علاقے میں ایک المناک سڑک حادثہ پیش آیا ہے جہاں پر ایک ماروتی کار حادثے کا شکار ہو گئی۔ اس حادثے میں چار افراد ہلاک اور دو لوگ زخمی ہو گئے ہیں۔
بتایا جا رہا ہے کہ ایک ماروتی کار جس کا رجسٹریشن نمبر JK 01K ۔ 5426 ہے ہیروئن نالہ دچھن سے ٹکرا گئی، جس میں تین افراد کی موقع پر ہی موت ہو گئی اور تین شدید طور پر زخمی ہو گئے۔ زخمیوں کو اسپتال میں بھرتی کردیا گیا تھا جہاں علاج کے دوران ایک اور زخمی ہسپتال میں دم توڑ گیا جس کے بعد ہلاکتوں کی تعداد چار ہو گئی۔

حادثے کے فوری بعد پولیس مقامی لوگوں کے ساتھ جائے حادثہ پر پہنچی اور زخمیوں کو علاج کے لیے ضلع اسپتال کشتواڑ پہنچایا۔
حادثے میں جاں بحق ہونے والوں کی شناخت فاطمہ بیگم (36 سال) بیوی افلال وانی، مدیہ وانی (10 سال) بیٹی افلال وانی، التمش وانی (05 ماہ) بیٹا افلال وانی، رضیہ بانو 4 سالہ بیٹی الہل بنی کے طور پر ہوئی ہے۔
سڑک حادثے میں زخمی ہونے والوں کی شناخت افلال وانی (40 سال) ولد ثناولہ وانی، خدیجہ بانو (07 سال) بیٹی افلال وانی کے طور پر ہوئی ہے۔

تمام رہائشیوں کا تعلق ساؤنڈر دچن سے ہے۔ تمام زخمیوں کو ڈی ایچ کشتواڑ میں داخل کرایا گیا ہے، جہاں ان کا علاج چل رہا ہے۔
یہ بھی پڑھیں: