رشمیکا مندانا نے اٹل سیتو کی تعریف کی، کہا، سوچا نہیں تھا کہ دو گھنٹے کا سفر20 منٹ میں طے ہو جائے گا - RASHMIKA ON ATAL SETU

اداکارہ رشمیکا مندانا نے اٹل سیتو پرسفر کا اپنا تجربہ شیئر کیا ہے۔ اداکارہ کا کہنا ہے کہ اس طرح کے انفراسٹرکچر کی ترقی ان کے لیے باعث فخر ہے۔

ممبئی: اداکارہ رشمیکا مندانا کو ممبئی اور نوی ممبئی کو ملانے والے اٹل سیتو سے محبت ہوگئی۔ نیوز ایجنسی اے این آئی سے بات کرتے ہوئے انہوں نے 21.8 کلومیٹر طویل اٹل سیتو (ٹرانس ہاربر برج) پر سفر کرنے کا اپنا تجربہ شیئر کیا۔ اداکارہ نے کہا کہ ہم نے کبھی نہیں سوچا تھا کہ دو گھنٹے کا سفر صرف 20 منٹ میں مکمل ہو جائے گا۔ انہوں نے کہا کہ اس طرح کے بنیادی ڈھانچے کی ترقی پر مجھے فخر ہے۔

اس سال جنوری میں وزیر اعظم نریندر مودی نے اٹل پل کا افتتاح کیا تھا۔ اس کے بعد اسے عوام کے لیے کھول دیا گیا۔ لوگوں کا کہنا ہے کہ ممبئی کی ٹریفک کو کم کرنے کے لیے یہ ایک اہم قدم ہے۔ اٹل سیتو ہندوستان کا سب سے بڑا سمندری لنک پل ہے۔

رشمیکا نے پل کے بارے میں کافی بات کی اور کہا کہ یہ سفر کے لیے گیم چینجر ہے۔ رشمیکا نے پی ایم مودی کی خوب تعریف کی اور کہا، سب کچھ شاندار ہے۔ ملک بہت تیزی سے ترقی کر رہا ہے۔

واضح رپے کہ ان کی فلم پشپا ٹو اگست میں ریلیز ہونے والی ہے جس میں یہ اللو ارجن کے ساتھ مرکزی کردار میں نظر آئیں گی۔