حیدرآباد: آج 28 مارچ ساؤتھ کے سپر اسٹار اللو ارجن کے مداحوں کے لیے بہت خاص دن ہے۔ اداکار آج دبئی کے مادام تساؤ میوزیم میں اپنے موم کے مجسمے کی نقاب کشائی کریں گے۔ اس کے لیے 'پشپا' اسٹار اپنی فیملی کے ساتھ چند روز قبل دبئی پہنچے ہیں۔ آج شام 'پشپا اسٹار' کا موم کا مجسمہ دنیا کے سامنے ہوگا، لیکن اللو ارجن نے نقاب کشائی سے قبل ہی مداحوں کو اپنے مجسمے کی جھلک دکھا دی ہے۔
اللو ارجن نے دبئی کے مادام تساؤ میوزیم سے اپنے مومی مجسمے کے ساتھ اپنی ایک تصویر شیئر کی ہے۔ اس تصویر میں اداکار اور ان کا مجسمہ اپنی پیٹھ دکھا رہے ہیں۔ جبکہ اللو ارجن سیاہ کوٹ میں ہیں، ان کا مجسمہ سرخ کوٹ اور کالی پینٹ پہنے کھڑا ہے۔ حیرت انگیز بات یہ ہے کہ اللو ارجن کا مومی مجسمہ ان کے مشہور پوز پشپا اسٹائل 'میں جھُکے گا نہیں...' کے انداز میں بنایا گیا ہے۔